高息貨幣收息問題

如果純粹睇佢o既利息係好好o既

因為佢係高息貨幣，一個月o既利率有7.5%或以上(因個別銀行唔同)

不過最近NZD係咁跌，由6.2去到而家6蚊唔到

或者有機會再跌落去

如果D錢唔等駛o既話，5.9-5.95買入再做定期係唔錯o既...

不過個人建議會係做長d會好d...

因為假設你 NZD 10,000做一個月利息係7.5%

咁到期本加息係10,062.5...如果果時o既賣出價係高過5.9當然好啦...

因為你賺左息

但係如果佢一跌o既話你要計下d息可唔可以cover到個匯率差價...

留意，買入價係差過賣出價...

如果你5.9買NZD 10,000，如果一個月到期之後個匯價係低過5.863

到時不單止冇息，仲可能要蝕...

NZD 10,000 = HKD 59,000 (假設賣出價係5.9)

一個月後，本加息 = NZD 10,000 x (1+(0.075 /12)) = NZD 10,062.50

到期果時如果買入價係5.8，即係 NZD 10,062.50 x 5.8 = HKD 58,362.5

咁樣計你仲蝕左HKD 637.5...

留意，新西蘭而家經濟麻麻，所以有機會佢會減息...

到時同其他貨幣息差減少，有機會令NZD繼續跌...

如果要而家做真係起碼做3個月或者以上先好

或者等佢再穩定D先做...
另外可以選擇做外幣掛鈎定期存款
意思係例如用港元掛紐元...

協議匯率o既意思係如果到期日港元對紐元o既匯率係高過6.20000

你就會收到利息加埋本

如果低過6.20000, let say 6.10咁樣...你都可以收到利息

不過佢到時係收紐元，而兌換價要用番6.2

協議係6.2，如果而家係6.3，即係港元弱勢，咁就收港元

協議係6.2，如果而家係6.1，即係紐元弱勢...咁就收紐元
呢個係投資產品，有風險...

有關銀行向客戶銷售時應該講明有風險唔保本...

同埋點解6.3即港元係弱勢呢...

因為本來1蚊紐元可以換6.2港元，而家變左6.3，即係紐元值錢左

相反而家變左6.1，即係可以換到o既港元少左，即係港元值錢左

2008-05-20 17:38:16 補充：
或者你可以首先做外幣掛鈎定期存款(有十幾廿厘)

個人建議減d點子，雖然減完之後d息會少d(有幾厘至十厘)

例如而家協議匯率係6.02，你可以扣200點子 = 6.00...

即使唔好彩你係接貨(即係收紐紙)o既話，你都係用一個比較平o既匯率去換紐元

之後再做定期，咁樣你一樣可以用平d o既價錢換紐元，又可以有高息...

咁樣做風險就低左好多...

2008-05-22 09:16:25 補充：
其實做外幣定期一定有風險...
因為匯率係波動o既...
而且時間比較短，只有兩個月...

個人覺得掛鈎係比較好o既選擇，因為就算收外幣都可以用一個平d o既價錢去換外幣
之後再做定期係比較化算
不過對投資唔太認識o既人可能真係比較複雜...

港元定期就係零風險，不過你應該都知道利息係好低...
假設你有十萬，我諗最高息都係大眾...如果佢俾到1.5%你...
你兩個月收o既息係$250...
呢個就係最保本

如果有d時間可以去銀行問下掛鈎產品...
如果減左點子之後風險真係低左好多...
值得考慮。

依家做 2wks既 nzd 定期大約係5.5%年息.....但係有兩重對換價...[一買一賣]...不過比較有彈性...等錢用最多吾要d利息...

我自己就冇試過做外幣定期,反而一向做開currency linked deposit....因為貪佢方便 [網上銀行click下就得], 而且每日對換價都吾同可以睇準先做....interest rate又較一般定期高...

相對地..做個 15天既 紐元掛勾既deposit..年息會有8.5%....但係就欠缺彈性....如果係15天突然等錢用就好煩...

上述兩樣都有risk....但係相對其他investment, 佢地既risk吾算大...而且時間短.....一般價位上落都係幾個percent..