游水唔識浮......

比個 idea 你. 人係好似冰山咁, 浮緊個時, 水面既野係少過水底既. 如果用直立姿態, 水會過鼻. 所以要口鼻維持係水面, 就要不停踢水, 俗稱 [踩水]. 叫個識游水既朋友仔表演比你睇 [踩水]. 再叫佢忍一啖氣, 唔踩住, 佢會眼仔碌碌咁, 沉又沉唔得晒.
所以, 除非你係面向天, 否則口鼻浸到水係必然既. 一踢出去微微下墜亦係必然既. 記住, 因為多一塊浮板, 口鼻係可以超過水面, 即係微微下墜之後會反彈上來. 下次即管試下. 你未試過好難明白.
記住, 口合埋, 就唔會入水. 怕鼻入水咩, 可以吸一口氣, 用鼻孔又輕又慢咁送出空氣, 水就入唔到去架啦. 真係有水入口, 就吐出來囉, 當漱口囉, 就唔好因為怕入水, 就唔放個頭落水.
仲有少少貼士:
1/ 緊張既肌肉密度高 --> 沉. 放鬆既肌肉密度低 --> 浮
2/ 吸滿氣既肺係一個內置既水泡. 要深呼吸, 將個肺裝滿d, 就會浮d.
3/ 臉要習慣被水浸住. 忍一啖氣, 水底猜 [包剪x], 又好玩又可以練浸面!
玩 [沉落水底執野], 玩 [摸池底], 你就會發覺, 其實要個人真正沉落水底, 係難過浮係水面, 因為個肺係有空氣既, 好似想 [禁] 個沙灘波入水底, 係好難 [禁] 架. 咁你就會相信, 其實人體係比水輕, 真係浮架.
---
最後, 有決心先可以學得成. 冇人一出世就識游水, 人地快d你慢d, 冇問題, 都學得識架. 唔使同人比較架, enjoy過程就得啦!

私人游泳女教練

持多張有效證書—香港游泳教師總會游泳教師證書、中級拯溺教師證書、水上安全評核員證書、泳池救生章、水上急救證書、拯溺磁章、聖約翰救傷隊急救證書、海洋拯救基礎證書

專業—曾修讀體育科，主修游泳，並取得良好成績
註冊社工，有助處理心理障礙

經驗豐富—七年教學經驗、奪獎無數，更曾奪得第一屆學生運動員獎、城市大學泳隊副隊長

教授形式: 私人教授, 小班教授, 團體教授
主要在公眾泳池和私人會所泳池任教，歡迎提出其他地點

可致電﹕82003310　黃小姐　收費﹕$350-500 歡迎問價

即係....我諗你個情況係,捉住浮板.但係好緊張,好驚...一浮起時,拉住塊板向下...咁正常一個人(成人)的力量..係會拉左塊板落水~

你要將個人盡量伸直...雙腳離地前吸一大口氣,浮時先將個頭放入水,板伸直手夾住個頭...雙腳難地時比少少力彈向前....全身伸直...你係要將板伸向前,而唔係要拉埋佢落水....

咁雙腳最終會下沉係正常,因為大腿,小腿肌肉大,重.
但上半身因為你個肺有空氣,所以係會浮的...只要你KEEP住你雙手掂住耳仔OR耳仔後面(頭望水底).

希望你浮到啦~

That is what's happening to me. I have learn't for almost a whole summer last year and i can barely float but after i try to kick in the water it seems like I'm sinking and i just stand back on the pool. I would really like to learn swimming because it is compulsory for my school in P.e to swim! I wish it could be like a miracle that I can learn swimming in a few lessons.

其實你係無膽，怕。這是非常正常的，我都係咁。
解決方法是找個有愛心（不一定是男女朋友），有耐性又識游水的朋友，企起你身邊，貼身幫你浮。由全完捉着你到慢慢放手比你自己浮，過程都會比常人耐，因為你真係怕水。
我都係用呢個方法學懂了背泳（1 個暑假），同埋蛙式游兩下（未識換氣）[學了幾年拉都學唔識]。希望你學得比我快。

首先你可以試吓"冬菇浮", 因為比較容易浮.
吸氣, 面向下, 雙手抱膝, 背部向天, 在水裏面慢慢呼氣. 感受一吓浮的感覺.
成功後才試俯浮, 即面向水, 但記住唔好young隻腳出去, 吸氣, 上身先趴底至水平, 然後升升起一隻腳, 之後再慢慢升起另一隻腳.
無論是冬菇浮, 府浮或卧浮, 都要放鬆身體. 吸一口氣, 在水中慢慢哹氣. 當肺部充滿空氣時是最浮的.