香港定泰國唱泰銖

換泰珠 = 現時既對換價大約是HK$1=4baht.
個人意見是去到先換, 你可以同導遊換,但匯率會低一些(例如當地的找換店對換價是HK$1=4baht,導遊會是HK$1=3.9baht).你亦可以到當地的找換店換,機場及所有旅遊點附近都有找換店及不收手續費,而匯率就是乎當日的匯率而定. 但機場既對換價比其它找換店是低d,但高過同導遊換. 另外,不是每間找換店既匯率都一樣,但最少高過同導遊換.
如有需要可在曼谷機場換住少少搭TAXI, 另外介召一間找換店給你Super Rich, Super Rich兌換店是一間營業了好一段日子的合法找換店,它是在Central World Plaza ( Isetan) 對面 (街口為著名李海泉)面向Big C左手邊起計, 由Big C旁起計為第一條街/在第3條街有2間Super Rich, 2間Super Rich重係唔同老細添.你可先看銀行兌換率,再往SuperRich比較價錢吧.

其實泰國好多大型商場都有一些換錢的銀行，如Siam Commerical Bank，不過有些分店只會開星期一至六，所以要換錢就要早一點安排啦！不過一定要先在香港換定至少兩天的費用，以免來不及換錢啦！

我剛從泰國返,個RATE當時機場做緊HK$1=4.02銖。但你可去Chit Lom Skytrain 站 Amarin Plaza 4樓間 賣牛肉乾間 林X香 換, HK$1=4.08銖。

如果你係跟旅行團去的話，我建議你去到先至「唱」錢，因為泰國當地的導遊通常都準備咗一些泰幣「唱」比團友，亦都會「唱」得高D，同時亦都隱陣D，安心D，到你走的時間亦可以同導遊「唱」返港幣。
但如果你係自遊行的話，我則建議你在香港的銀行「唱」，因為你問得呢個問題，相信你對泰國亦不太熟識，你去到可能唔知响邊喥「唱」會隱陣，又可能會有假銀紙，咁就玩都玩得唔開心。
加上兌換率也不會距離太遠，如果你只係去幾日旅行，「唱」得唔多的話，相差都可能係十蚊八蚊。為著安心，請考慮上述的建議。