交通意外唔知點做好

1. 這種情況貨車佬係收到指示而反口，最好你當時有證人或者錄音，但係點睇你的勝算都高出好多，因為始終係佢撞到你架車嘅後面，cut線是合法的駕駛方法，除非係違例cut啦，你就要小心答辯。

你當然可以告佢，或可進行民事訴訟，尤其若有人受傷，並可以在錄口供的時候表示保留追究權利。警方告唔告佢就係警方的做法，你作為受害人（苦主）可舉報對方，警方便需進行調查，有表面證據後警方便會控告佢，贏唔贏就要睇法庭判，所以你的贏面好大。

2. 一切程序只要跟足警方或保險公司指示做便可。無必要搵公正行影相的，除非保險公司提出，但係都只會搵保險公司指定的公正行，自已影定D相都有用的，最好是連當日的報紙板頭影埋入鏡。

3. 公正行收費是以所提供項目的複雜程度為準，費用是由保險公司支付的。你的情況不要自找公證行，除非進行民事訴訟。

4. claim到佢保險, 即係唔使claim自已果間，最終就唔會影響你自己份保險，但一日案件未完，你的保險若有NCB就可能未用得住，咁到期續保就會貴D。

其實你分清楚,交通意外在任何情況都唔係兩位司機互告的,只會係警務處告口供上錯的一方.
就你個case嚟講,你有成99%係冇野,就算個貨車佬點反口,話你有心在路口減速令到佢停唔到引致撞車呀,你都係有99%冇野,因為錯就錯在小路出大路一定要讓,正確d講係小路出車要確保大路上沒有車同安全情況下先出得,好明顯你咁大架車佢係唔係咩情況下都要停左先呀,停唔到就係不小心駕駛law,即係佢錯law,不過最後都要個官決定,我就試過由小路出比人撞,點講都好,都一定係我loss.
到個官判左呢次意外係佢不小心駕駛引致,你就可以claim佢份保險,面佢唔可以claim你果份,而且是次意外唔係由你引致,所以唔會影響到你份保險,至於claim保險情序,你問你車保個agent,佢會好熟,而且你有比佣金佢,佢一定會handle晒,佢都驚下年冇左個客ma.

1. 其實就不是你控告對方，檢控是警方之責任，你們相方各自到警局錄取口供後，就可報保險，各自維修自己部車，日後雙方之保險公司就會代你處理。
2. 你現在應先報保險，填寫一套表格，再詢問保險代理，如何錄取口供，才到警局錄取口供。
3. 假如自己購買的是全保，如想盡快維修部車，應立刻將部車之損壞情況拍攝下來，再到汽車總代理報價，轉交自己之保險公司，如保險公司無問題，交與墊底費就可開始維修。
假如只是購買第三者保險，就必須要公正行視察後，得出報告，才可自行維修。當然亦要拍下汽車損壞情況，方便日後追討。公正行通常是一單視察連報告一個收費，當然亦可代你向對方追討賠償，但最好不要使用，因為收費可能會高過賠償。另外，公正行費用是不能向對方追討的。
4. 這點只能在有全保下才會出現，當你claim保險維修自己部車，你已付出墊底費用，而對方日後又全數賠償與你之保險公司。保險公司之行政費用只要不多於你之墊底費，因此保險公司就沒有損失，所以亦不會影響你自己份保單，日後亦可繼續使用NCB。假如是使用第三者保險，因是你向對方保險公司追討，其實與自己之保險公司無關，所以亦不會影響你之保單。