點解洗完頭之後頭頂會黐泣泣??

依你情況睇...你呢幾個月都用同一種洗頭水, 但呢幾日先覺得頭頂好"立"...恕我直言....我估你係因為你呢幾日個頭特別污漕呢?例如: set過頭有gel殘留係髮根位, 之前做個treatment太潤同落得多得滯又沖得唔乾淨....呢2個情況都會令到髮根位coat左層野....洗完頭都會覺得好似好"立"咁架!!
你係咪淨係洗左一次洗頭水就算喇? 你試下洗完一次後, 沖水再洗多次, 記得d 泡係要洗到頭皮架.....最後落髮素o個時避免接觸到頭皮....再沖乾淨d水.....就可以了~
如果都係太易"立"既話, 可以因為受到天氣影響....油脂分泌較冬天旺盛, 咁你要選擇d 清爽洗髮水同埋要離髮根位2~3吋先好落護髮素呀!同沖乾淨~
我自己本身頭頂d頭髮都係易"立"d...平時洗頭我都會洗2次洗頭水同埋唔留護髮素...搽d避沖水焗油係髮尾度就算~因為咁樣方便好多嘛~又唔怕掂到髮根位~~

我之前都有介紹過其它網友，一隻係Mannings, Citysuper or Uny可以買到的叫泥炭石系列的頭髮護理產品(made in Japan)，真係好正，因為我自已用緊，所以明白到頭頂det住的感受，我唔係同人賣廣告，真係用過後，果種成頭輕鬆哂，係自已先正知。

換另一種洗頭水，買中性試下。唔妥。用草酸性洗頭水。