請問出身年月日可唔可改?

你的名字可以通過向律師樓宣誓有了改名契就可以改,但係出生日期就比較難改,除非你要有充夠的文件來支持你想改出生日期的理由,譬如你是于內地來港之時就報大了或報細了年歲,現在你就要有內地的合法文件來証明,咁當你認為有齊所須的文件,當然越多越好,去到人民入境事務處,填一份ROP73名為申請更改身份証資料的表格,寫完之後,就交回該處,但可否作更改與否的決定權在于入境處主任,若果他認為文件和資料足夠並可信,咁就或許會批準你將你的原本身份証個出生日期改大點或改細。

理論上除非醫院犯錯, 否則出生日期係唔改得嘅.
而就算醫院犯錯, 都要當年主診醫生及最少一名當時在場嘅專業醫護人員(例如醫生或護士), 或如主診醫生己經去世, 就需要三名當時在場嘅專業醫護人員去各做一份誓章, 証明紀錄有錯. 再憑誓章去入境事務處屬下的生死登記總處更改出世紙, 然後憑新出世紙去更改身分證上的出生日期.
咁當然如果身分證上的出生日期有錯而係屬入境事務處嘅手文之誤, 就可以免費更正番啦.

出生年月日係冇得改嘅,因為你只有一次出世,只有喺嗰刻你出世.