寵物的出路~~

本人係一位寵物美容師

首先你覺得寵物美容師冇出色係錯既

如果你打算做寵物美容師 你可以去街舖做學徒慢慢學 但係有排捱 人工一定唔高 要努力兩三年先有收成 或者去讀寵物美容師證書 由C到B到A 當你考到A既時候你可以開班教人做導師 或者 做比賽評審 人工一定唔低 但係你有冇恆心/耐性/天份 就另一回事 而且一定要經過一段時間既努力因為考到A級既大有人在 而且日本美國既技術比起我地香港已經高幾班

如果做獸醫建議你去外國讀 認受性會高d 但係讀親都三/四年 人工就一定高 但係你會考得一分就難d囉.......去到人地講雞腸你都未必識聽.....唔好話記同應用........


如果你真係想入依行既話建議你問下自己係咪真係咁鍾意動物 如果你只係想搵錢既話 不如做第二d好過 因為寵物行業唔係你諗咁簡單 有邊個做依行未執過狗屎?有邊個寵物美容師未同過d皮膚狗美容?有d狗成身蝨你又接唔接受到?如果隻狗生癬野埋你你又介唔介意呢?我見過好多人放棄 好多人考完個C級用左成萬蚊最後都係轉行 所以你都係慢慢考慮清楚先啦