一個人住的支出問題

上面的網友已詳列支出, 我個人不包租金 (什費約 $1,500.00 ) , 至約上班費用 (早, 午飯, 車費)另計.

以下是個人意見 :
1) 最好不要煮食, 也不要大量添置煮食用具, 只買簡單的用具即可, 其實自己煮食的開支反而更大, 提議每星期煮食一天即可
2) 不要用家居電話, 睇樓時要測試手提電話是否收到, 省回開支
3) 能否上網, 否則無人生樂趣
4) 你應該要租套房, 留意業主將傍邊的單位是長租 或 可作短租 (e.g. 3個月的短期租約) , 人太雜, 進口不太安全
5) 如以上網友所說, 一定要傢俬全包 (特別雪柜), 業主有辦法弄平價電器, 但你買則很貴.
6) 所租的樓宇附近有無平價膳食, 會否太早收市 (最好晚上10時後還有晚飯供應)
7) 交通是否方便, 特別是有時夜歸 (男友都要小心)
8) 如果能負担, 最好要有窗的單位, 否則感覺很孤單, 心理不好受.
9) 有理無理, 如果入息無超額, 現在立刻申請單人公屋, 寶田的單人單位只有 $3xx, 每次特快上樓都被人搶清, 也不是太差, 約2-3年可以申請到寶田, 起碼獨立廚廁 (雖然很細), 出入安全.
10) 租樓合約 : 記得參考上面網友的意見, 很詳盡

2008-05-20 19:31:37 補充：
我曾陪朋友租樓, 地產代理 (專門租套房, 代業主處理所有租務問題) 介紹樓盤時, 有商有量, 表明傢俬 : 床, 床裖, 雪柜, 枱 及 衣柜, 都可以安排, 當時某單位是包雪柜, 但其餘單位則表明可以代你找平價貨, 單門雪柜收 $300, 包放到出租單位 (唐樓)
因當時的代理有很多樓盤, 租客搬走時, 因為是唐樓, 不會搬走傢俬, 部份新租客不會要2手傢俬, 所以他手上有很多不用錢的傢俬, 只費氣力搬來搬去.

2008-05-20 19:31:43 補充：
而其他業主, 部份也曾主動安排傢俬, 只求找到好租客.
以下電氣一定要有 : 冷氣, 熱水爐, 抽氣扇, 有上手留下的煮食爐
雪柜如果無, 可要求安排 , 比自己購買方便, 而且搬走時可以留下, 省卻搬運費用.
租務詳情要參考 wllloveka , 比較詳盡, 細心.

2008-05-20 19:38:08 補充：
更正 : 部份會有上手留下的煮食爐.

* * * 添置任何傢俬, 用品, 必須以能自己搬運, 裝拆為原則, 或非常便宜, 能下決心拋棄為原則.
入住後, 隨時因某些原因, 須要搬遷, 一定要輕便, 這是一般的租戶, 必須面對的問題, 不能掉以輕心, 否則搬遷時, 面對很大的難題.

2008-05-20 20:38:52 補充：
特別注意, 下訂前先查清 : 單位附近有沒有洗衣店, 服務時間是否切合你的上班時間, 是否能即日取回, 如果是駁腳的洗衣店, 要2-3天才取回衣服, 則不要也吧, 還有先打聽 : 床單, 被袋是否要另外收費, 當然凡有夾棉及厚衣服 (如浴袍, 晨褸) 要另加費用, 因為我曾光顧某洗衣店床上用品, 不分厚薄, 每件另收 $20 + 磅洗費, 1次以後, 以後怕怕, (是某些區域的一致收費).
千萬不要妄圖買洗衣機, 經驗教訓, 洗衣店是最好的選擇, 除非你能住上公屋 或 購買樓宇.

2008-05-20 22:28:05 補充：
曾在報章看見有明星租住宿舍, 是月租酒店的平價版, 由某些機構 (非牟利組織) , 傢俬+電器全包, 只帶衣服便可住, 我記得約 $3,000 - $5,000, 但我無以上資料, 你如有興趣, 請向其他網友查詢.

睇下你煮唔煮飯~
我一個人住
一星期煮3日飯
一日13個鍾係屋企
水費、電費(冇開冷氣)
4百幾蚊2個月
煤氣費幾十蚊一個月
冇用家居電話(用手提百幾蚊一個月)
上網連收費電視台(4百幾)
仲有一個月去超市買日用品大約1000蚊
仲有屋租~

租地方一定要選d佢地全包
全包即係包管理費,差餉etc.
仲有如果係入去住之前影下間屋
日後有咩都有證據
仲有佢地租俾你會跟d咩傢俱電器要寫清楚
合約幾年生幾年死
生約期即係雙方係一個月通知退租而無須罰款
死約期即係雙方要退租而須繳付死約期既所有租金
eg.一年生一年死(通常第一年死第二年生)
即最少俾13個月租
(一年死12個月加一個月通知)
同埋要查下係咪凶宅
上網會查到~