lcd monitor

✔ 最佳答案

對比度即係最暗同最光既光暗比例,例如1000:1就即係全白時亮度係全黑時既1000倍.對比度越高畫面的光暗越分明,冇咁灰.但要小心有啲廠為咗做靚條數,會不正常地加暗或者加光畫面令到畫面失去層次感,即係搞到冇咁暗同冇咁光既都變到好暗同好光.俗語叫做黐底.例如一個着黑色衫既人在黑夜出沒,對比度好的mon應該要夠黑之餘亦要分得開件衫同背景,否則就只會見到頭手腳在黑色中活動.所以數字不能盡信,最好可以試看這類畫面.
液晶唔可能你一俾訊號佢就即係變到色,反應時間就係反映佢可以有幾快,時間越短的話看活動畫面越不容易拖尾.
介面就係佢用甚麼方式連電腦,一般分模擬方式的D-Sub或者數碼方式的DVI.當中以DVI較好.但事實上模擬也不會差很多,肉眼甚至分唔出.
牌子方面當然係EIZO最正,不過價錢都好正,我覺得Samsung或者Sony質素唔錯之外價錢也較可以接受.