金魚吾吃一餐會吾會死?

魚o係野外搵食，見到就啄，入得口就食落肚，如果係有的話，大都係分佈得比較散，唔會好似人養魚咁，一次過放好多糧入水，等佢地好似一餐飯咁食一大輪。就連獅子、豹等猛獸都有餓住過夜o既時候。
所以魚o係自然環境未必日日有得開餐（食植物o既除外），餓一日點會有事？人都冇事啦。
其實有好多人都唔係日日餵魚，呢個同係唔係餵紅蟲無關。皆因魚多放糧多，食得多又痾得多，所以如果將放糧量減少，有助減低污染。隔日餵食，甚至隔三日都唔會有事。有一次去旅行成個星期，我用電動餵糧器（即以時間掣控制幾點投糧），但回港後發覺原來ｄ糧卡住左，可能只係餵到頭一至兩日，但都冇魚死。可見其實魚o既忍耐力遠比你想像中高。
順帶一提，如果係要谷肥一對種魚等佢地快ｄ繁殖，或者係魚ｂ想佢地快ｄ成長，反而會一日多餐。

金魚唔食一餐半餐唔會死, 只會飽死而唔會餓死, 佢地係唔識飽架.

金魚係好為食,
你比得多糧
佢就食得多野~
但你唔比糧都無問題
大約餓3日都無問題

不過如果你問我餓一個月
我就唔知會發生咩事啦
正常推論黎睇,
好似人咁樣,
餓一、兩、三日應該無事
餓一個月就開始有問題~

魚會飽死,
但餓死既情況極少,
所以我覺得
喂少好過喂多~
唔食一餐吾會死!!

唔會架～

不過如果真係太過份一個禮拜先喂幾餐咁d魚就會可能咬其他魚

所以都係一日2~3餐好d.

2日一餐....５係問題不過你係喂紅蟲定係魚糧?!通常２日喂１次係喂紅蟲先咁做

金魚唔吃一餐半餐絕對唔會死!!

唔會,我d魚隔日先食一餐,好健康.