有關護照到期一問

一般國家, 如他本 passport 仲有6個月期. 都入得既. 但有 D 就需一年期. 你要打去中華旅行社問問先.
這裡有個有用網址. 講點申請落地簽証的.
http://www.taiwantalker.com/article.php/8
至於中 華 旅 行 社 地址就係 --> 金 鐘 道 , 力 寶 中 心 一 座, 4 字 樓. 查 詢 熱 線係 --> 2525 8316.

只是說出入境時護照要有致半年,咁你09年1月16日到期即是08年7月16日之前都能夠用到,咁你6月去,唔會去成個多月吧,

如果真的要去換証,去灣仔換好d,果度多d籌(聽人說是無限籌),
如果你去元朗 屯門換,分分鐘 8時去到都已經無籌,
我個女 前年去做第一次的護照,是學校去台灣,成班同學都要做,本來老師叫我地唔駛自己去做,佢同d學生去做,點知臨尾先叫我地自己去做,比佢玩死啦,得番一個月就去台灣了,網上約期都趕唔切,郵寄做又怕第一次唔知頭唔知尾,有錯又要比入境暑打回頭封信,到時一定遲晒,
所以我決定去灣仔排隊攞籌
咁阿女重要上學,我都要趁佢唔駛返學的星期六去做証,8時去到超多人,排到打晒尾餅出到門口(重驚多人會無籌),約8時半左右開始分人上樓,原來條龍是所有人都排呢度,但夠鐘上樓時就各人去番自己要辦事的樓層,咁我同個女上到做護照果層,我地是攞第5籌的,張表都未填完就叫我地了,我地做完出去都未夠9時,阿女打去比佢d油麻地排隊做証的同學,佢地O 晒咀,話重係度排緊隊

咁取証時是我自己幫阿女取回的,平日11時多去到,見D人來做証都有籌照做(所以好像真的無限籌)