有關倉鼠..小銀狐

A.冇屋仔易令鼠鼠冇安全感,冇自己既窩咁;冇食物兜就會較易整污糟食物,都較難睇到食物仲有幾多
唔知係個人喜好定金錢問題而想唔用呢兩樣野呢?
如果係金錢問題,就要諗,一男一女放埋一齊,會易打交,打傷時有冇地方分籠?有冇錢睇醫生OR買藥?生左一大堆既時候有冇地方一隻隻分開?
如果係個人喜好既話,則要考慮,鼠鼠缺乏安全感會更易怕人

B.倉鼠係獨居動物,兩隻一齊住,同唔同性別都一樣易打交,就算打唔傷,都易感到壓力,有壓力有機會誘發甩毛肚瀉等疾病,睇返過去既知識,都唔難發現有十分多呢類既問題
好多時鼠鼠年幼未會打交就被忽略問題,但慢慢長大,地盆心態日重,就好易出事,所以最好在佢地未有事時分開佢地,以免鼠鼠受到傷害

其實鼠鼠最好分籠,繁殖鼠鼠會有好多問題,我自己一籠一鼠左好耐,鼠鼠身體都好D,唔會被打,又少受驚,我既鼠多數都係老死OR年老腫瘤而死(當然配合返唔亂食野,同適當地對鼠鼠啦),建議分籠原因如下:
1)倉鼠天生根本就係獨居動物,根本唔適合群居,就算兄弟姊妹,同性別or唔同性別,都一樣可以打到死晒.睇書知道,外國既鼠鼠繁殖場都係一籠放一隻鼠,到發情期先放埋一齊一陣既
2)鼠鼠既繁殖速度好快,而且繁殖鼠鼠有好多問題(例如鼠媽媽有機會會食bb,bb未戒奶就打交但又唔分開得),就算樣樣都解決到,都會令鼠鼠既生活質素下降,鼠媽媽生育後壽命又會縮短(甚至難產),好多隻鼠又會有第d問題,所以真係唔好俾鼠鼠生bb呢
3)可能你會話鼠店既鼠咁多隻一齊都冇事,但鼠店既鼠仲好細,所以唔會打得好犀利,而且你睇到鼠店既鼠既時間都未到深夜,唔係鼠鼠最活躍既時候,所以未必俾你見到有咩問題.但我曾經見過,鼠店一堆鼠入面,有隻鼠已經得返d白骨...所以鼠店講既野,,唔好盡信,鼠店有鼠死左都唔會俾客人知呢
4) 就算兩隻鼠初初唔打交,其實之後都好易再打,特別係鼠鼠夜晚活動既多,半夜打起上唻,你又唔知既時候,仲危險.我細個既時候都試過覺得2隻鼠好似好fd咁放埋一齊,同一胎,我出去一陣返唻就打死晒啦
5)可能會諗鼠鼠會怕悶,但其實鼠鼠天生獨來獨往,只要有足夠既空間同運動(一個轉輪都ok啦),鼠鼠就唔會悶

C.鼠鼠原居於生漠,訓覺既地方就係地底,所以鼠鼠天生就鍾意挖地洞,但而家既鼠住在籠入面,所以挖唔到地洞,你就會見到佢成日係咁挖
可考慮用邊位較高既籠,而家天熱就可以用較少木糠,但唔好完全唔放木糠

2008-05-19 15:55:17 補充：
之前睇漏左問題,關卡鼠鼠咬人既原因,可參考以下我回答既知識:
http://hk.knowledge.yahoo.com/question/?qid=7008011003084