有關清洗瀘水器問題~~!

唔理係咩類型既濾水器、
咩牌子既濾水器都好啦
濾水器乞既濾棉係必須清洗,
清潔既濾棉先可以保持到清潔既水質,
留有污糟野既濾棉會令水質變差,
有死魚既可能~

- 必須要定期係洗濾水器時一同洗埋
- 見到濾棉污糟都最好洗洗佢
- 濾棉並唔係養益菌既物質,
而係用黎阻隔魚魚排泄物既物品
- 養菌既物品應該係生物環

生物環係一種養菌工具,
放於濾水器內，
或放於缸中養亦可
是環形、中間空心既石~

如果污糟到洗唔到既話,
換左就仲好,
對水對魚都好有好處~

魚原本都係有腥味,
你養得魚就預左會咁,
陣腥味唔係咩大問題
最主要每兩星期換一次水,
每次換1/3至1/4就夠,
咁樣就可以保持水質清潔
魚魚先會健康
而魚水既味對魚根本無影響~
而水草係無可能發出腥味tim,
所以唔駛怕

如果水草發出腥味,
我諗好多人都會立即放棄唔養水草.
因為好多人都玩草缸= =

養菌絕對唔係鹹水魚專利
圖片參考：http://tw.yimg.com/i/tw/ugc/rte/smiley_28.gif

打從有頂濾開始，ｄ人就知道棉唔係要保持白雪雪咁乾淨，當時氮循環呢個概念冇咁普遍，佢地只會沖走最頂o個ｄ屎，舊棉就由得佢用到發黑，因為佢地知道黑色o既唔係屎，係菌膜，如果洗到白哂就會冇哂菌，好似紫砂茶壺洗左層茶漬一樣，冇左價值。
濾棉係最簡單o既濾材，做到物理過濾（隔屎）又做到生物過濾（中間有相當多空隙俾細菌附著），但如果可以，最好都係用生物環，一來表面極多細孔俾細菌附著繁頂，二來中間有窿，可以疏水，唔會令流速太慢。
要換棉，其實同其他生物過濾濾材一樣，唔好一次掉哂ｄ舊野，掉一半，加一半新野，運行佢一個月，等新濾材都有相當細菌，先至換埋o個一半。
水黃同有味，其實都係水質有問題之故。可能原因：
１．魚太多：魚多屎尿多，污染亦快
２．水太少：水少就冇法子稀釋污染物
３．過濾效能不足：除受以上兩項影響之外，濾水器流量不足、濾材不足都有影響。流量太小，硝化菌接觸到o既廢物就少左；濾材不足就唔夠菌。
４．換水唔夠：就算濾水器幾有效，換水始終都係必需o既，其中更重要係抽走水中o既屎。
５．水中有o野腐爛：草擺得耐冇問題架喎，問題係死左未。環境唔適合水草生長（唔夠光／光質不合／缺肥／缺ｃｏ２／有生物破壞），草就會死同腐爛。死魚冇撈起／投糧過多剩底沉底，都會影響水質。

2008-05-19 23:01:27 補充：
值得補充下：

１．濾棉並唔係養益菌既物質，而係用黎阻隔魚魚排泄物既物品：o係生物環未出現，過濾只係用隔屎板同頂濾o既時代，濾棉絕對係養菌o既媒介。依家你可以用生物代替佢，但咁唔代表佢冇左呢個功能。

２．生物環放缸內：生物環上o既菌冇得郁，食物主要跟埋水流帶到佢地度。缸內水流方向受缸壁同其他物品影響，所比較慢同亂；放入濾水器的話，水流基本上係單向（濾水器管道），加上有水泵o既壓力，菌可以不停有食物供應，效能亦高ｄ。

2008-05-19 23:01:56 補充：
３．〔水腥因為〕魚本身腥：係，如果你撈條魚放上手，實腥，但我睡房裏面一個三十寸草缸加幾個小型魚缸，我夠膽講我水冇味！有ｄ人水質管理不善，放廳都成陣味（好以ｄ舊式水族店咁o既味）。問題係你點打理個缸o者。

４．水草冇腥味：有機會的話，可以拎ｄ莫絲上手，真係有腥味架。但o係水中養住，又唔會有味，都幾怪架。

其實睇你養d咩魚同咩野size......
金魚就最好2星期洗一次....
如果唔係會冇左過濾功能....

養菌其實用在養海水魚方面多d...因為佢地要睇埋好多野...such as co2等等....

我自己都係用緊AQUA ONE 掛置式瀘水器....500公升果隻....養左2條中型size金魚...如果我過左2星期都唔洗...基本已經冇用....d水既顏色變左黃色....

有陣時....養魚要落多d心機...俾多d時間打理...