✔ 最佳答案
有好多。
華都花園︰
二樓(有天橋連接屯門市廣場的一層)
由屯門市廣場行過去,左邊第一間鋪已是電腦店。「網域」
再行前,pass through國美同埋3 Shop後,又有一間「兄弟」
如果第一間「網域」未有你想要的,華都還有另一間「網域」更大,
見到舒適堡郭富城既單張轉入去(宜家因為百佳裝修,聞到裝修氣味轉右),然後入左華都商場新部分,一直行,會見到u right,之後就有「網域電腦」。
屯門市廣場︰
你知道花旗銀行在哪嗎??
唔知唔緊要,中國銀行(香港)同埋匯豐銀行呢?
位於屯門市廣場二期地下及高層地下。
先到地下。在中國銀行對出,過馬路前往屯門市廣場一期,然後上一層樓梯(當然可以搭升降機)。
一出就會見到citybank同埋o係屯門好出名既「城市電腦」。
仲有bo...
屯門市廣場地下,
o係中國銀行(香港)(屯門時代廣場分店)對面
或者o係頭先既中銀開始,一直沿的士既排列行,見到BEST既一個細細入口後,就會見到另一間電腦店。「電腦廊」
大型連鎖有售賣電腦及配件之店鋪︰
豐澤(屯門時代廣場三樓)
百老匯(屯門市廣場地下)
泰林(屯門市廣場地下)
香港最好電器(BEST)(屯門市廣場地下)
吉之島(電器部)(屯門市廣場UGB區)
國美電器(華都商場二樓)
這些大型連鎖店大多位於屯門市廣場地下及高層地下(國美除外),o係市區入黎既58M,58X,260S,260X,960,960A,960B車站落車,轉左即見到。
注意︰AEON/吉之島卡會員於5月17日至5月20日於電器部購買任何物品,可獲照價九五折之折上折優惠!!