二手車 試車後 看到零件的問題(急)

1.偈油個入口有d偈油走左出黎
依個不是問題, 多數係入偈油時入唔正所引致. 若然係個偈油盍損壞, 最多換個新盍.
2.車頭個散熱器果度有撞過痕跡，因為佢"立"左少少
個散熱器照理好難被撞到, 多數係行車時被石頭撞擊而有凹位, 應該睇清楚凹位位置有冇漏水痕跡. 散熱器可以整個更換, 價錢唔會好貴. 也不是大問題.
3.車尾個泵把裝唔實，有空位
車頭, 尾個泵把應該無虛位, 非常扎實. 有虛位即是有可能撞過或更換泵把未能上緊. 在車尾表面觀察冇被撞傷痕, 就要用鎖匙檢查車尾冚是否容易打開, 鎖匙稍為轉少少, 車尾冚即彈開, 即是車尾有被撞過.車冚鎖未能百分百扣住.
買二手車, 最緊要檢查迫力系統, 是否嚴重銹蝕, 迫力油管有沒有老化等, 其次轉向系統有沒有虛位.

買二手車,輕微撩花碰撞就難免,中度碰撞而又經過專業修理, 理 論上亦尚算安全,但曾大撞而經過駁頭駁尾架鬼車,就 幾平你都唔好要,因為再次發生意外時架車隨時斷開兩截. 最好叫車房幫你驗屍咁驗!如果想自己睇,有d位置有冇撞過都可以睇到!

輕微碰撞大多到龍門架,若發覺龍門架的螺絲位或焊接位左右不 一 ,架車可能已經撞過. Check車頭,主要分龍門架,塔頂位及車陣三個主要部分.
龍門架

圖片參考：http://motor.atnext.com/images/next-photos/EasyFinder/803/160pixfolder/X803-108N/01.jpg
龍門架螺絲及焊位完整無缺便是直版車
塔頂

圖片參考：http://motor.atnext.com/images/next-photos/EasyFinder/803/160pixfolder/X803-108N/02.jpg
大撞車避震機上的塔頂位便會變形,留意有冇鎚仔印及夾口膠是否齊整,冇撞過的會非常平滑.
陣位

圖片參考：http://motor.atnext.com/images/next-photos/EasyFinder/803/160pixfolder/X803-108N/03.jpg
無駁頭的車原裝陣位焊位應是平滑.

圖片參考：http://motor.atnext.com/images/next-photos/EasyFinder/803/160pixfolder/X803-108N/04.jpg
接駁車則會像於駁位上出現凹凸不平的後加焊位,若架車有以上痕跡,此乃不折不扣的鬼車.
尾箱

圖片參考：http://motor.atnext.com/images/next-photos/EasyFinder/803/160pixfolder/X803-108N/06_NEW.jpg
留意尾箱底骨位睇下有冇痕.
門邊

圖片參考：http://motor.atnext.com/images/next-photos/EasyFinder/803/160pixfolder/X803-108N/05A.jpg
電釘位圓形印應該清晰可見,兩塊金屬的夾位亦應該平滑.









希望呢d資料幫到你