我係買家, 我方律師有3個問題同賣家律師爭持不下, 可能影響我個成交, 急問大家有乜意見.
問題係:
1. 我係補地價買二手居屋, 業主有齊准許書同補地價信, 家陣我方律師見到樓契有寫業主對上個手有封房署提名信, 但賣家律師提供唔到, 因為無, 只可提供佢自己的提名信. 我方律師死係要, 對方又死話無, 因為而家業主當時都買到, 房署各方面都無問題.
2. 家陣層樓其實係業主已過身母親, 由兩個仔做執行人. 我方律師死係要正本遺產書, 但對方死都唔比, 因為遺產除哩個物業外仲有現金或其他野. 家上封信係由另一間律師出, 唔可以問法庭攞多一份. 其實係咪一定要正本? 有問過其他律師話無須, 但我方又一定要. 對方已出示遺產書影印鑑證本同埋佢地母親死亡證, 但我方律師又唔接受.
3. 業主哩個物業曾有借貸, 但而家係無負債物業, 係玩契, Land Search 都無借貸. 家陣我方律師搵到份契有寫有一份關於以前哩個借貸的授權書, 雖已清還所有債項但封授權書響份契度係過期的, 我方好堅持要對方比, 對方又好堅持己清, 有證明但我方律師唔接受.
家陣好驚因為咁影響成交, 我方律師好堅持, 但成日話人地唔覆. 對方就話根本以上三項無影響份契, 又無負債又無釘契, 唔影響業權. 我方律師又話如果最後無以上文件, 可能要我簽一份承擔書, 咁又可能影響銀行最後決定出唔出份按揭. 死啦! 好似比雙方律師玩死, 大家有冇經驗, 有何高見呀?
買樓法律問題, 兩方律律爭持不下, 好驚有影響呀!
2008-05-17 11:44 pm
回答 (3)
2008-05-18 7:07 am
✔ 最佳答案
1/.你的代表律師儘責.2/ 但係賣方律師亦儘責想幫佢的 client 完成交易.
我以前都買過有爭議的屋, 但唔係居屋. 唔知情況一唔一樣.
最終解決辦法, 又是一切後果由買方承擔. 我當時的代表律師要我簽一份文件, 解釋律師己儘責講解有問題的內容, 但我堅持要買, 所以我要比足錢, 跟住承擔一切後果.
除非你依家想唔買, 就直接同律師講, 問佢點樣踢契.
或者你都想成交, 就直接問佢你係想成交, 佢會想辦法. 我知道 97 時好多人買賣樓都唔清唔楚, 好多人走左佬份契冇人簽名, 都可以成交.
唉, 只要你是最後承擔果個人, 佢地都收到錢, 就解決到架啦.
2008-05-17 23:18:01 補充：
唔記得提按揭方面, 因為我係唔駛按. 但
銀行係睇你的還款能力決定借唔借. 同埋睇樓價值唔值而考慮借唔借. 交易之前的爭議, 唔理.
況且依家銀行要人簽的是私人借貸, 只不過樓用來抵押. 還唔起錢先至扣層樓, 而呢個層面新業主就是新業主, 根本冇地契不清的殘留問題.
照表面分析, 只要看買家的還款能力.
多做功課, 問下律師 同 銀行方面點答.
參考: 純粹個人經歷, 可以不理
2008-05-20 10:07 pm
其實近年來. 樓宇買賣 D 律師都好小心,
從表面看來, 賣方的文件真的不太齊,
買方律師是有責任, 保障買方, 否則日後你想再賣層樓出去就會有好大的問題
從表面看來, 賣方的文件真的不太齊,
買方律師是有責任, 保障買方, 否則日後你想再賣層樓出去就會有好大的問題
2008-05-19 7:30 am
最好就同律師提出，有冇可能踢契，原因是業主文件不齊全，咁就脫離麻煩！
而且建議不要買居屋，因手續多兼煩複，而且買真業主已死，手續更麻煩，揀屋買屋都有學問架！
而且建議不要買居屋，因手續多兼煩複，而且買真業主已死，手續更麻煩，揀屋買屋都有學問架！
收錄日期: 2021-04-13 15:35:20
原文連結 [永久失效]:
https://hk.answers.yahoo.com/question/index?qid=20080517000051KK01708