法援處是否ok?

香港好多刑事案件, 由係法援請律師同大律師打嘅. 老實講, 去得打劫走粉, 都係因無錢, 有錢請私家律師, 就唔使打劫走粉啦!而律師 / 大律師都有一套專業守則. 做得律師 / 大律師(在此為方便, 統稱律師)的, 本身都要有很高的誠信. 所以破產 / 有案底的人都做唔到律師. 律師們都要嚴守大律師公會 / 香港律師會的守則, 違例者會被取消執業資格. 工都無埋, 讀咁多年書嘥哂. 你所講的情況唔係肯定無, 但就好少發生. 因為律師係有權揀做唔做法援case嘅. 嫌少錢就唔接法援case囉. 所以如果佢肯做法援case, 就唔會因為錢少而無咁落力嘅. 加上大律師係靠個 "朵" (名氣, 即係贏得多唔多cases)同年資黎定收費高低. 如果佢因為無乜錢賺, 而求求其其去打官司, 搞到為成日輸官司, 第日就無人肯聘用佢, 咁就得不償失!
警方要認人, 只係查案程序之一. 無乜大不了. 唔一定認人就落charge嘅. 但如果在認人中你被認到, 咁就係好有力嘅証據.
老實講, 法例係徧向保護女性嘅. 而強姦罪往往係較難打嘅. 因為除非係好明顯嘅强姦 - 例如喺部電梯度夾個三唔識七嘅女仔入後樓梯姦佢, 又或者有人證 - 否則就係口同鼻拗, 睇吓陪審團信邊個啫. 我見過唔少case係個女仔想報復, 就屈個男嘅強姦佢. 亦見過好多明明個女仔話咗唔好, 個男嘅都重繼續, 咁咪入到正囉! (係呀! 就算雙方開頭係你情我願, 但中途個女仔突然叫唔好, 如果個男仔重繼續, 就係強姦嘞!)
香港法庭要判某人有罪, 一定要達到一個極重要的基本法律準則 - "Beyond All Reasonable Doubts". 即係控方提出的証據, 要能夠 "排除所有合理的懷疑 (又稱 "無可置疑")" 地証明該人有犯法, 先可以入佢罪. 呢個係一個好高嘅標準. 有少少疑點, 都要放人 (寧縱勿枉). 所以真係俾人屈, 個女仔口供一定有疑點. 入唔到罪嘅!

任何職業都是打工, 別相信任何人

多謝你, 我都明白無做過, 應該唔會有事, 但係的朋友係有一前途有正當工作的人, 一落CHARGE,其本上他的生活就已受影響, 就因為一個人亂作一句就將別人辛苦建立的嘢毀掉, 很不公平.

2008-05-21 12:59:17 補充：
再次謝謝你!你似乎好像對這類案件有一定的熟悉, 請問你可否建議一些擅打這種官司的律師給的朋友呢?還有價大約是多少?

其實法援個律師唔係收少你錢架 ! 個個律師都係收噤多錢, 只係你俾少少,而法援幫你補貼左其餘部份咋 ! 所以唔會因為利益而影響律師架 !

至於點解會由轉擔保去認人, 轉擔保係因為警方要調查, 而當佢調查到之後, 有證人或證據, 有需要就會進行認人手續，最後警方會交俾律政署是否起訴。

如果你既朋友真係俾人屈既...法律係公正既....所以唔好噤擔心呀 ! 最緊要係講出真相, 唔好作故仔呀 ! 因為如果真係上到court, 會俾主控問到你口啞啞, 噤就會好易出事架喇 ! 都係個句啦 ! 真係無做既, 唔駛擔心既! ^_^

希望幫到你啦 !