大家好!我想問吓邊個發展商d樓好質素!用來築愛巢!急急急急!!!!大家覺得買一手定二手樓好d!!!!我預二百至五百萬到!

說到質素佳，當然是新鴻基。長實也麻麻、恆基的"縮水"居多。
一手或二手有優有缺，但我個人認為實際派的每喜歡舊樓，因實用及樓價合市場水位，而很多一手都抬高叫價，有些不切實際，但仍很多人喜歡苦幹下去辛苦購買，不知為何？可能就是什麼的會所，但新樓管理費最少也要$2一呎，是否值得，見人見智。
相反舊樓的管理是否完善、法團有否盈餘等早已可查證。
您要按能力去做，200-500萬的範圍很廣，坦白說是兩個級數，能應付到500萬的，對200萬實在看不上眼，所以不能混為一談。

2008-05-26 15:19:15 補充：
先多謝dickywong99 的認同。所言亦有道理，但至於說到美孚新村是否真的"無閘雞籠"，我個人就不同意，美孚的管理算是不過不失。說到底它雖則舊，但有其價值存在。而是否所有新樓的管理都十分完善，我就真的看不到完全是！只可說不能一竹嵩打一船人。

2008-05-26 15:27:59 補充：
"刑應歲"所言的正如我所想的，往往二手樓的管理及其質素因日子久了，反而能看得到。而一手樓的實用偏低已是近年的事實，加上有會所，當中的管理費昂貴已不能改變，我反而擔心當一手樓踏入第十年以後，當中所衍生的問題或許各戶需分攤的費用是很高，這是現時買一手樓的人所未能想到的事！

而且一手樓冷氣機的設計是分體式，我相信當用上十年、八年後需要維修或更換時，每戶需搭棚來更換就真的花費很高。

我會認為香港人的羊群心態真的可悲得很，總是給發展商迷惑至傻狂狂！一支針無兩頭利，若是只得一手樓最好，那麼其實當小市民買後已即時變成二手樓，那麼愚蠢的您們那麼討厭二手樓的話，是否該買一手樓呢？

若以質素論新地樓差不多公認係最好, 至於一手還是二手樓那樣好,我個人會認為二手樓較好。 二手樓往往已給人住了一段時間,好唔好自有口碑可參考,而且舊樓往往實用率較高,相反新樓大多得實用七成,部份還要加上無謂既窗台,再配合埋古靈精怪既格隔,實用率少之又少。

此外,你沒有說你以什麼因素為主導,若以交通為先,那麼地鐵上蓋物業大多是二手樓,那便不用考慮什麼一手二手問題。若以單位大細為主, 我也是建議你考慮二手樓, 正如上述說實用率較高。

我同意第一位仁兄講法,200萬同500萬,真係兩個級數,你自己最好搞清楚究竟想要乜野類型的樓.

我個人覺得,以舊樓或二手屋苑,就係嘉里,太古 and 新鴻基質素最好,一手新樓,都係太古( 不過最近幾年太古無乜起新樓 ),新鴻基,信和( 信和近年新樓用料唔錯,樓底亦比較高 )

一手定二手好?其實可以咁樣分析:

一手---有會所,唔駛裝修,管理比較完善( 唔似美孚新村咁樣,班看更阿叔由得陌生人自出自入,好似我地帶客睇樓咁樣,係咁意登記下就放人入閘 ),但通常比同區二手貴起碼10-20%以上,值唔值得就見仁見智.仲有,一手新樓實用率低係事實,同二手舊屋苑絕對無得fight.

二手---普遍o黎講設施唔及新樓,公眾地方及屋內的保養亦不及新樓.不過,二手大屋苑( 好似太古城,黃埔等等 ),成交穩定,有價錢可以參考,另外通常舊樓實用比較高,內籠見使好多,絕對比新樓抵住.

以上係我個人意見,希望幫到你啦.

my [email protected]

信和 !! 緊係一手樓好啦 !! 荃灣萬景峰 係唔錯選擇 !!
http://www.visioncity.com.hk/