晒24”x30”油畫, 300dpi得唔得?

300 dpi當然冇問題,再多人眼都唔太分辨得到.
但係30吋 x 24吋咁大呎吋要去到300 dpi,照計數即係9000 x 7200 = 6480萬像素,相信目前都冇乜邊部機有咁勁.
其實300 dpi係預你細呎吋輸出,就咁放喺面前睇先要咁勁,油畫咁大張如果離翻幾呎遠睇可以適量降低解像度.我覺得1000萬像素都夠啦.你要走埋去聞相就冇辦法.地鐡嗰啲咁大張海報走埋去睇其實都好粗的.就算幾十萬一部103吋全高清電視都係得2百零萬像素.
像素太小實際上係冇乜辦法的,否則人地唔駛買高像素器材.你可以用編輯影像軟件例如Photoshop等插值加大個像素.最大效果只係等無咁易起格,清晰度係唔會有所上升,因為始終係憑空想像加入像素.近睇就會矇.