help!!杜牙根後遺症

✔ 最佳答案

根據你所描述嘅情况，若果你隻牙嘅牙髓組織已經受到損壞，而照過 X-ray 亦都確定牙髓感染已經蔓延至牙周組織和牙槽骨嘅時候，牙醫通常會建議病人進行牙髓治療(根管治療)，即俗語所謂嘅"杜牙根"。
請你先到以下網頁看看牙髓治療嘅介紹(網頁內有影片示範整個治療過程，記得要 click 入去睇睇：http://www.toothclub.gov.hk/chi/adu_01_06_08.html#start

我本人亦曾接受過牙髓治療。
你話：雖然打左麻醉針,但係鑽到落根果度依然係痛到飛起的(洗牙時都好痛=.=)
無錯，洗牙時好痛係因為牙肉已經發炎腫脹。就算牙醫打左麻醉針，亦的確只係能夠減輕病楚而已，因為牙醫必須要鑽入牙髓深入地方，將牙根管髓完全刮淨，清除牙髓內嘅神經線組織，並要確保整個髓腔完全清潔，才可以繼續完成療程。否則，牙髓沒有完全徹底清理乾淨，牙髓就會有可能繼續壞死，亦會引致牙肉發炎，牙齒最終因壞死而被迫脫下。所以，你必須要接受數次治療程序才可以完成整個牙髓治療療程。
你話：返到屋企,麻醉藥過左後發覺d牙同尋日一樣咁痛法,好似更痛添!

其實喺第一次嘅治療裡面，治療較果並唔明顯的，因為牙肉已經發炎，牙醫首要做嘅工作，係要先幫病人消炎消腫，才可以繼續治療療程。而喺每次治療過程當中，牙醫必須要每次移除牙髓臨時填補物料，然後在牙髓內放置藥物然後再補上臨時物料，重複咁做，要接受數次的治療程序才可以見到成效，以完成整個牙髓治療。正常來說，當牙肉消炎消腫之後，餘下嘅療程就會順利好多！
咁其實係咪原本都只係牙肉痛,唔洗杜牙根ge呢??
牙醫都已經幫你照過 X-ray，確定牙髓受到感染。既然牙髓感染已經蔓延至牙周組織和牙槽骨，為免這些組織受破壞，使牙齒得以保存，杜牙根係有必要嘅。
你話：打針果個位都好痛...
仲要洗牙洗損左d牙肉,個口成日流出血塊..
個牙醫真係好後生..成件事係咪佢做得唔好&判決有問題呢??
依你所述，牙醫後生唔係問題，最緊要係治療方法正確。我就認為佢嘅治療方法洽當。先前講過，牙醫首要做嘅工作，係要先要幫你消炎消腫嘛，而且需要接受幾次治療才會見到成效哩。而因為你的牙齒不整潔，有機會再次形成蛀牙、牙周病等牙患，所以必須要先洗牙，然後再進行杜牙根治療。

回答 (2)