《評論》~必廋站~14天衛蘭極速療程~有點兒呃人....

我都剛上左去必廋站，一開始，顧問先同你量身高體重，跟住張紙出左黎問我想減幾多，我話理想的越多越好，佢話我理想可減22lb ，我現在164cm / 130lb，理想去到108lb。跟住傾下我之前用過咩方法減肥，然後評擊一番，然後攞佢叠plan出黎。

佢有張紙話我身體毒素好高(呢度要多謝其他網友，有一度評論講過佢一定首推排毒療程)，真係，佢勁sell一個排毒plan.......仲有話我新陳代謝好低，一日先消耗13xx kcal，正常女仔28歲起碼1800kcal...我諗你部機係咪真係度到呢d野架....

首先佢話呢個18000的plan啱你，我話太貴，我只係想試下janice那個688 plan，跟住佢話無用，呢個plan只係去水腫，同你講的一樣，好快番番黎，你呢d脂肪減唔到，我話但係呢個plan有合約保證喎~~ 佢話所謂的6lb, 12吋，好易！手臂度3次，腰度3次，pat度3次，大腿又3次，小腿又3次咁，12吋咁度法梗有啦，個幾磅都係水。拿...我減d價錢...用10000呢個plan啦...跟住我話貴...又話呢個plan唔洗節食，改為一個要節食架啦...變成8888，我話貴，跟住話好啦好啦...你留相片，做代言人，幫你簽6888，我話好貴，跟住變最後3444，呢個價你千褀唔好同人講，真係剩係做俾你......有20次機, 2次中醫, 2次營養師...跟住我ok左，不過未開始，唔知時佢會點呃我，不過我會小心點，呢度見到咁多人留言，真係好有用，各位姊妹真係要站出來，另其他人唔好受害！

我覺得我真係好想好想減，其他方法真係唔得，見佢3444都ok就試。所以若大家想去必瘦站，記得諗清楚，先同自己講唔好信佢地，保持小心態度，以免佢呃你多多錢，同埋有理無理先話貴，雖然佢會同出面美容院之類做比較，總之堅持好貴，同埋話我要諗下先，跟住佢會減俾你。另外要表現到你都唔係好急切減，都係諗下，睇下的心態，先無咁易俾佢呃。