倉鼠突然死了,想知道原因,請專家指教

十分抱歉知道你既鼠離開左,希望你唔好難過太耐啦

由12號你見到鼠鼠好地地,到今晚鼠鼠忽然死去,期間鼠鼠有冇咩異常情況?有冇好驚?排泄物有冇異常?身有冇濕?
A.只係話開大眼咁死左,實在好難估到係咩事,暫時根據返咁短時間內死亡,同埋係新買鼠唻睇,我覺得有以下可能:
1)新鼠買返唻,較易會受驚,如果同第籠鼠放得太接近,都有機會令鼠鼠受驚既,鼠鼠受驚有機會誘發疾病,例如肚瀉,濕尾症等,呢d都係好短時間可以致命既
2)鼠鼠以前食既糧同買返唻既糧未必一樣,忽然轉糧亦易肚瀉
3)鼠鼠身型細小,唔知會唔會比同一堆鼠中特別細呢?特別細小既鼠有機會係被繁殖場提早戒奶,又或一出世身體就比較弱小
4)DNA有問題既鼠,體內有問題都唔易被發現,例如心臟病之類
5)鼠鼠有冇曬過?鼠鼠好怕熱,如果曬過or太熱好易會脫水or中暑,特徵如下:
1)行得好慢
2)行路趺下趺下
3)身體發抖
4)呼吸困難
5)甚至摸佢都冇反應

B.鼠鼠死左,一定要將個籠同用品澈底消毒,而鼠鼠死得咁突然,怕第隻鼠都有事既時候,就需要將在生既鼠用既籠同用品都消毒一下,可以用小動物專用消毒劑or牙膏去消毒
同時要密切留意在生既鼠鼠身體及排泄物有冇異常,一有問題就要盡快處理,過一排呢隻鼠都冇事,先再考慮係唔係買第隻鼠

C.要知道鼠鼠係唔係健康,主要係要每天都檢查鼠鼠既身體及排泄物有冇異常
仔細D可以留意有冇以下既問題:
1)唔多點郁既鼠鼠可能有病,好多病都會令鼠鼠好疲倦,但要留意,鼠鼠係日頭訓覺夜晚活動,而太凍太熱都會令鼠鼠訓得較多
2)留意鼠鼠身形會唔會忽然肥or瘦,肥胖易誘發疾病,甚至體內有腫瘤,瘦既可能受驚or生病
3)留意鼠鼠既毛會唔會甩左一部份,會唔會有粒粒
4)眼睛唔好有眼水,要乾淨,可以完全張開.
5)鼻要乾淨清潔,污糟就可能係有鼻水
6)呼吸正常,唔會喘晒氣咁
7)腮部冇問題,可以正常地放野食入腮同整到出唻
8)排泄位置乾淨清潔,唔會濕住
9)冇外傷,冇流血
10)排泄物正常,尿尿唔會有血,唔會困難
而研究鼠鼠既便便,最好就係拎鼠鼠既便便上手咁下,最好係佢排出唻冇耐(過一陣,1分鐘度啦,即摸好易係好林)
11)牙齒唔會過長,睇下鼠鼠會唔會咬合不正,甚至合唔埋口
12)飲水正常
13)鼠鼠正常時唔會聽到佢叫,鼠鼠同人既音頻唔同,叫到人都聽到就多數因為痛苦or驚