際遇唔好原因

遇到不公平的對待及不好的際遇, 心裏很不滿, 這是很正常的. 不錯, 是因果循還, 令到這個人遇到不好的際遇, 我們所做過的事, 在未來裏, 會承受同類相應的效果, 如果你追塑唔到佢今世有做個很壞的事, 但係就頭頭碰灰, 無端端响好唔合理既情況底下俾人害, 一定係佢過往世做咗唔少衰嘢!
我地唔可以話E個人唔係好人, 佢可能已經改好咗, 但係過往世所累積的惡業, 始終係要他自已承受返! 所以即使是一個好人, 唔代表佢唔使受苦架, 好似一代宗師「印順法師」咁, 佢修為境界之高, 我地一般人十份之一都難達到啦, 但係佢一樣病得好辛苦.
可是, 我們有時忽略了好報, 試想想, 你所講的那個人, 他能生活在香港這個物質富裕及政治穏定的和平地方, 全世界唔係好多人可以咁安定, 唔怕雪災, 地震, 打杖及生命威脅, 政治逼害, E啲就已經係福報啦, 仲有, 你都識得講佢個樣幾市正啦, E個又係福報, 你數吓數吓可能真係數到唔少福報架, 因為佢同一般人差唔多, 前世做過壞事, 但亦做過好事, 所以按着佢做好事的性質, 佢會有返果類福報, 按着佢做壞事的性質, 會有返果類苦報, 我地成日淨係睇到苦報, 睇唔到福報, 所以咪咁痛苦囉!
我都想分享吓自已的經歷同心得, 我前半生都係經常被人害, 運氣超差, 衰到貼晒地, 命書就一早話我前半生係好多風霜. 起初我都好唔順氣, 自問自已對人唔錯, 又成日做善事, 但係到尾呢? 連我所幫的人不約而同都來害我.
但係最後我終於發現, 原來自已唔係咁好, 有好多很壞既性格與生俱來就有, 但係我自已冇留意到, 所以由此推斷我過往世應該係個壞人, 雖然三世書話我上一世係和尚, 但係因果既效力根本唔止三世, 而係累世業力, 更何況我上世有機會係個壞和尚.
我仲發覺原來我除咗有壞報外, 好報原來仲多, 我可以响香港長大已經係好報, 因為E度冇打杖及天災, 物質豐富, 我個樣似專業人仕(雖然內裏唔係), 見工通常好易成功, 我有書讀, 讀到22歲先出來做嘢, 完全係父母供養, 屋企冇經濟困難, 亦有半工讀機會, 現今已經35歲, 仲進修緊, 雖然我的工作很堪呵, 被人害咗好多次, 害到被解僱咗三次, 工作資歷煲晒湯, 有次還被插X嫁禍, 差D要坐監, 不過後來有第三者証人幫我做證才脫罪, 曾經因公事糾紛, 被對方幾個打手當街打到片體X傷, 有時我會問, 我點解有咁多苦受, 但係又會想到, 很多現今國內山區同胞連讀完個小學都冇機會, 要我地香港的希望工程幫佢, 點解我又唔使咁慘, 一世人可以受人地幾世人既教育? 我唔算係咩德高望重既好人? 我又何德何能可以有咁多福氣?
其實講到尾, 我們人生有福亦有禍, 全因我們過往及過往世做過好事亦做過壞事, 但是, 福和禍都不是永遠的, 當你應有的福報享完了就冇得再享, 當你應有的禍報受完了就冇得再受. 換言之, 我們正享福的人不能得意忘形, 要多行善事, 福報才能延續, 正在受苦的人不要灰心, 苦是不會永遠的, 而且只要多行善事, 苦報是可以減輕的, 現在我已經沒有以前那種憤憤不平了, 因為明白了因果, 每當人們來害我的時候, 我總是在想: 「他是幫了我, 但是害了自已.」幫了我是因為他幫了我承受了自已的業報, 使我未來的業報及苦難減少, 害了自己是因為害人是會有惡報的, 所以其實被害的人是充滿希望的, 但害人的人就很痛苦了.

正所謂【無業不生娑婆】，就算幾多聖人，也遇到很多荊棘滿途，苦難甚至失去生命。
例如：耶穌基督、鳩摩羅什大師、玄奘法師、菩提達摩大師、六祖惠能大師、虛雲大師……。
咁！反問你一句，你要求有那些際遇呢？
是否要人見人愛，車見車載？
【離善惡心無善惡境】。