為甚麼養了水草後一魚缸裏會奕綠色?

其實綠水成因, 陽光係其中一個環節, 你個缸高營養, 即係含氮高既水體, 容易培養到綠水, 但綠水既兇手主要係小球藻。
當腐生細菌製造利用有機物製造大量無機物- 氨/銨, 呢d 含氮量高既高營養物就可以令小球藻一夜間大量繁殖。

解決方法

我既方法比較上另類, 但我覺得係平好多
係魚街買幾粒「黃金螺」愈大愈好, 有草就放係生仔箱, 因為黃金螺會食草, 冇草擺係缸就得。一星期後會見成效。

uv燈都幾貴...

治完標, 要治本

減少喂食量, 勤洗濾水器, 增加生物環, 勤換棉, 無謂洗啦, 5蚊4大舊。
相信綠水會同你講再見

原因有幾個~
第一 : 曬陽光、燈光太多
曬得多既話,
d水草係有光合作用,
變左有好似葉綠素既野走出黎
而水既顏色就會變綠~

第二 : 養份過多
養份多,
多出既就比左d藻類一個良好生長環境
大量既藻會令水變綠色

剛答過一個類似問題（http://hk.knowledge.yahoo.com/question/question?qid=7008051300452），引用該答案做開場白：

水如果有過多養份，又o係光線太充足o既地方，就會出現（１）青苔；（２）綠水。青苔你知啦，綠水係由於一種叫做綠小球藻o既藻類o係水中大量繁殖而引致。有陽光照射o既水尤其常見（如公園有魚o既水池），因為一來光線充足，二來陽光係全光譜，有好大部份o既光係水草用唔著、益哂ｄ藻o既。
所以，一日養份唔減少，光線繼續太多，綠水都會不停出現，點換水都冇用。活性炭用於吸味吸色，但綠水唔係色，係藻，所以亦冇效。唯一可以用o既係ｕｖ（紫外線）燈，但要有個泵灌水入去先用到。
唔想治標殺ｄ藻，就要治本：
１．減光：即係用少ｄ燈管、減低火數（即係令以光能形式入水o既能量減少），當然，o係你o既程況，即係要搬缸或者搵o野遮下，等陽光唔好照到。
２．減養份：養份來源係魚糧，入缸後變成剩糧或者魚屎尿。如果放少ｄ糧（一日一餐，兩三分鐘食清）就冇剩啦；要處理魚屎尿，一係減少魚隻密度，一係加強換水（主力換走缸底魚屎，濾水器只係處理水中阿摩尼亞同氮化物，唔係用o黎吸屎架）同過濾系統。濾水器要注意流量要夠，一個鐘都要做到全缸水五六個循環，生物環係最主要濾材，愈多愈好。
以上o既o野做足，綠水唔駛ｕｖ燈都搞得掂。

由於冇你個缸o既其他資料，初步判斷係綠水。注意我提到o既成因，睇睇係唔係真係啦。如果唔係，請提供更多資料。