如果見工被問起點解會想做銀行, 可以點答呀~???

跟據理論, 面試官最着重係你對該行業有冇熱誠, 有冇興趣, 會唔會投入, 同埋性格及才能適唔適合, 答佢為咗錢同埋穏定收入都唔會有好效果, 應從以下幾個重點創作你的答案:
(1) 有興趣
(2) 有條件, 如: 對數字敏感, 有乜乜銀行或會計學歷....之類
(3) 有有利背景, 如: 有有關工作經驗
以上三點作得掂已經好好, 點解唔作個 model answer 俾你?
因為你在面試官面前提出的 main points, 係唔可以求其亂吹, 要有實質證據支持才有力, 所有冇力度冇證據支持的論點, 好難避免唔講, 但係唔可以講咁多, 對你冇幫助亦冇好處, 你提出完論點之後, 有經驗的面試官會嘗試從你所交的履歷及學業與工作證明副本找找, 睇吓你講既嘢有冇跟據, 有跟據的才真正加分俾你, 冇的, 就會靠佢個人判斷應唔應該信你, 例如: 你話你對數字敏感, 點知你英文攞A, 數學只是合格, 咁樣你講完之後佢唔單止唔會信, 仲會對你反感, 因為你講嘢呃佢!
由於我目前掌握唔到你的資料, 所以只能提出重點, 然後由你親自去找出能證實這些重點的證據. 如果你的證據確實有效, 你可以直接舉出, 無需面試官慢慢幫你揾, 例如:
面試官: XX先生/小姐, 你點解會想做銀行呢?
XX先生/小姐: 我想做銀行有三個原因,
第一, 我自小對銀行業有興趣, 所以會考和高考才選擇商科就讀, 可惜高考時因為Banking and Finance 競爭激烈, 再加上當時我年紀少, 在聯招的選科策略定得不夠理想, 所以未能入讀理想科目, 最後唯有退而求其次, 入讀了中文大學的公共行政. 但是完成學位後, 發覺自已還是喜歡銀行業多些, 所以決定放棄投考社會福利處的管理職級, 轉而投身銀行業, 並打算於短期的未來進修銀行及財務的學歷.
第二, 我做事細心, 對數字敏感, 能有規律地完成繁鎖的財務計算, 正因這個才能, 令我輕易於LCCI INTER 及 HIGER 中取得優良的成績.
第三, 我的上一份文職工作(ADMIN CLERK), 除了一般行政事宜外, 也需要做Bank Reconciliation及 A/C Receivable, 令我對有關銀行的工作有更深入的了解和適應.
第三個point, 已經有少少冇證據地老吹, 所以你講既時候眼神一定要夠堅定, 等佢以為係真, 事實上, 人既背景係定咗既, 未必有咁多嘢可以支持你的論點, 有時要有少少偷雞執生, 事實上, 現時一般文員都要做D簡單會計工作, 你咁樣吹佢多數會信. 而且E一點好難證實係唔係假, 即使佢聽完有保留, 亦唔會諗你一定係講大話, 扣你分.
所以, 如果你要爭得到, 你的背景能否俾到足夠證據令個interviewer加分俾你係最重要, 其次才是面試技巧, 如果你背景十足, 一定有一間銀行請你, 但係如果你的背景跟銀行工作9唔搭8, 如: 化學系碩士畢業, 咁就唔好期望太高啦!