7-11 part-time兼職問題 + 中銀開戶問題

你填07-13..可能只會編你返一兩日頂人放假, 因為8hr為一shift, 例如07-15為一個

薪金日更$22係standard, 旺舖可能多少少, 但如果你無做過野, 寫standard呢個ok 架la..

幾多日通知...你遞表個時經理係唔係度架?如果經理係度, 你交左表通常一個wk到會通知...如果唔係就可能要等佢打泥約時間見下你先囉~
視乎間舖等唔等人用, 如果等人用, 應該見完你就等一個wk到la, 因為佢地一個wk編一次更...

面試其實好簡單...唔好著得太奇裝異服太暴露, 個樣正正經經咁就ok

疊報紙通常係夜更四五點疊的, 如果早更要疊都唔會疊得多既...返工通常都係上乾貨, 上水貨, 收銀, 掃地, 拖地, 抹架咁la...有貨番就點貨(早更應該都淨係返麵包)
其實要做既野都唔難, 睇下你有無心機做姐

收銀慢既一個wk到, 但通常兩三日就會教你收銀架la...因為其實d人都會快d教新人收銀, 咁佢地可以做其他野例如收倉貨...

煙你其實每日接更都要點, 所以點一個wk到你都識哂架la...

交費通常佢都會有單有bar-code畀你do, 你照打個銀碼就ok, 無咩困難...

收銀位你預左得你一個負責一部機(唔知你個間有一或兩部機), 其實多人既話, part你個個都會過泥幫下手架la...其實部野都ok易操作, 所以其實都唔係難

新人通常只要上一堂新人堂, 如果唔係長做既話都唔洗上其他堂架la...

開戶好簡單, 地址證明, id card...
如果你開最簡單的儲蓄戶口, 通常都無最低存款額, 但你拎定500去開就穩陣d, 其實你開左之後都可以係atm咁番出泥架la...
會有card的(如果你去櫃台拎錢就要畀手續費)...但係以我記得你係可以揀即時拎or 遲一個wk到佢寄畀你...如果遲d寄畀你, 將咭會有你個名囉~
其實你可以打去銀行問, 佢地會講你知~
p.s. 如果中銀會遲一日出糧, 我建議你都係開hsbc

最後提提你, 見7-11預左要搬搬抬抬架la, 因為好多人請左做先覺得辛苦, 又覺得做既野好似無野學咁, 咁就哂大家時間la~

good luck!!^^