給了帛金吉儀問題

如果係夾份做帛金﹐而有同事不能到靈堂致祭的話﹐應該由其中一位出席嘅同事(多數係搞手 - 收帛金同組隊去靈堂o個個)﹐幫無法出席嘅同事帶回每人一份吉儀。

有d人會介意幫人keep吉儀(唔想拎返自己屋企)... 如果冇人肯幫手﹐就唔使拎返d吉儀。

做帛金只係盡心﹐家屬回禮吉儀亦係一點心意。做左帛金唔係一定要拎返吉儀﹐只不過個形式係咁做... 代表接收家屬嘅謝意。吉儀本身冇任何為受者帶來吉利/去霉運的功能﹐即使收唔返都無所謂。冇同事肯幫你拎就算囉﹐唔使太介懷。

帶回如何處理?
同事幫你帶回吉儀﹐見面時將封吉儀俾返你。返屋企前(我會計踏入屋企座大廈前)﹐用左張紙巾及一蚊﹐食左粒糖﹐掉埋個吉儀封就ok。

吉儀係喺舉行葬禮儀式嘅時候，亡者嘅家屬預備畀返嚟參加葬禮親友嘅回禮，因為一般嚟講去得弔唁嘅親友都會送花牌或者畀帛金作為對亡者嘅一點悼念心意，所以家屬方面會有哩個回禮嘅手續。

吉儀係一個白色嘅信封，中間通常都會有一條打直嘅紅色條，上面有藍色嘅「吉儀」兩個字，每封吉儀裏面會放一粒糖、一張紙巾（以前多數會用毛巾仔），同埋一個一蚊嘅銀仔。

吉儀裡面嘅紙巾係畀親戚朋友用嚟抹因為離別嘅傷痛而流嘅眼淚。吉儀封裏頭嘅糖，係希望食咗嘅親友可以減輕掛住死者嘅痛「苦」，有叫人折哀順變嘅意思。吉儀內嘅一蚊銀就用嚟表示謝意，亦有講法話係因為以前一蚊只係足夠搭一程車，攞個「唔會返轉頭」、「冇下次」嘅意思。

習俗上，封吉儀同埋入面嘅嘢係唔可以帶返屋企嘅，如果唔係就會將啲唔吉利同埋衰運帶返屋企咁話。糖可以食咗佢或者舐一啖先掉咗，嗰個一蚊就要快快趣駛咗佢或者捐出去，其他嘢就要全部掉哂佢先至可以返屋企。
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~


上次我幫朋友手做 "接待" , 都是按誰(每人)給了帛金 , 就數數量(每人) 給吉儀的 , 沒有到 , 但付了心意的都給代辦人轉遞 !