大埔買中國笛子20點

其實我都係學中國笛子的..
不過我會選擇返大陸買..
一來選擇較多
二來有得講價
(其實多數老師都會幫學生買..)
價錢就睇下你買咩笛
普通竹笛既話...我果支買左120,平d既幾十蚊都有
不過呢,紫竹造既會好聽d,當然價錢就貴得多了...g調4百元左右(大陸)

但係有個好重要既問題....音準,最驚就係買到d音唔準既笛...
如果真係買到....就要自己調教支笛中間既距離...

...不過我都係建議你係香港買算了-_-"
我諗買支笛...用咁耐...你情願比多十幾蚊去遠d買支好d掛...?"
大埔好似冇乜專門店....

以下係搵返黎的資料,希望幫到你啦~!><" :

如果講買笛o既話, 竹韻樂坊o係香港將會係首選, 小弟所用o既笛子8成都係o係竹韻樂坊

如果唔o係竹韻樂坊買o既話, 八音琴行同凱聲琴行都係不錯o既選擇, 但係要記住, 凱聲琴行o既笛子一定要試得好仔細, 最好就搵幾個本身識吹笛o既去試, 因為凱聲有大部分o既笛子都放佐好多年, 有d已經裂佐

八音o既笛子就會比較平, 同埋個質素大部分都好過凱聲同價o既

而另一間粵華琴行就真係唔太建議, 因為佢d笛子又係放佐好多年, 而個價會比以上三間o既貴


以新手來吹, 一般都會先買g調的梆笛



決定佐o係邊度買就睇埋下面啦

竹韻 - o係葵青果邊, 要book時間先可以上去, 老闆姓陳, 果度d笛大部分都係由造笛名師 黃衛東先生 親手製造, 一向都有不錯的評價, 音色可剛可柔, 價錢由320起

仲有一d, 係黃衛東先生果間廠整o既(聽聞係), 笛身下面會印住竹韻二字, 新手入門適用, 價錢由100起

如果冇記錯應該仲有王小剛先生, 黃德成先生同埋林谷珍先生o既製品, 但都係唔太適合新手用, 因為前者o既音準比較難控制, 後兩者o既笛子價格較高


八音 - 大部分都係周敍生先生o既製品, 當中亦有常敦明先生同埋王益亮先生o既製品, 品質算中上, 但一般較好吹o既笛子都比較貴

凱聲 - 建議新手唔好o係呢度買