請問信誠、東怡、實惠及星月旅遊靠得住嗎？

其實揾邊間旅行社都無所謂, 最重要就是唔好俾人揾笨.
當然睇下你同那一間旅行社訂啦,個d 出名旅行社(安運、康泰、永安…)可能價錢上面係會貴少少,但係一定有保證,一定唔會呃你或者令你不能出發. 如果你去一些小型旅行社訂package,可能感覺上真係不夠保障,價錢可能平幾百蚊,當然相對梗係抵好多啦,但風險就要自己評估囉.
無論去大或小既旅行社訂package時最重要問清楚, 附加費、早餐、接送之類果D,免得自己有損失. 有時候小型旅行社既package標出自己很平就真係要問清楚, 往往到你真係落訂個時又說沒有機位、酒店冇房之類, 其實就係想你轉其他咁咪又再貴D囉.
最後, 如果Budget 夠既而大旅行社個價錢都可接受既就無謂格咁多價,因為可能最後個總數差唔係太多.

我剛在星怡訂咗二人去台灣package (31/5-2/6), 我當時指明要平價機和酒店, 而且要住西門, 星怡的那個服務小姐叫popo ho.

佢都幾好人幾負責任, 佢有話我知那個時間台灣會有個大形expo, 所以d平價房會好緊張好難book, 但佢都冇因為個package咁平而馬虎, 仲幫我問咗好多間平價酒店, 雖然最後我要等兩日佢先confirm到間酒店俾我, 但佢其間只係問過我一次肯唔肯加錢轉貴價do既酒店, 我話咗唔肯之後佢就冇逼我亦繼續幫我揾酒店.

我個package1320+tax500=1820, 我覺得幾抵. 你或者可以參考下.