想帶舊的DVD連5.1音箱回去内地，過關有問題嗎？

香港無問題, 但過大陸就麻煩d.
因為大陸入口電子零件要收關稅, 如果比大陸海關check 到, 你可以即時打稅
我試過拎一個17" 舊LCD MON 經皇崗口岸過關.
首先海關會拎你張回鄉咭記錄你D資料, 要你放低回鄉咭同埋放低件貨, 打左稅先, 咁佢會比張入數紙你去附近一間中國銀行入數, 之後拎返張Receipt 返去就得.
不過, 交幾多錢稅係佢地話事, 稅率係件貨價既25%, 但個17" MON 佢地話要RMB4000 喎 (香港買部新既都係HK$1500樓下)....就咁比左 RMB1000 大元, 其實買過部都得, 不過係公司數. 同埋間中國銀行要行到好遠......
我亦都聽過公司同事拎電子零件過關, 佢地比海關玩, 詳情唔講啦 (我覺得好過份囉), 玩完你之後要你寫悔過書, 仲要扣起你D貨, 等你報完關先拎得(快既要成個星期), 人就可以走先. 呢件事好好耐之前, 而家唔知仲會唔會有呢D事發生.
另一個方法可以搵D 水貨佬 或 中港快遞送貨, 電子野大約$100-$150 1KG.

香港關就唔會過唔到,但大陸關就好難講要睇佢地見唔見到,但就算見到都無所謂到時你可以再報關又唔冼比錢既不過返香港時就要帶返部機~~~(我本人就試過,不過我部係全新既DVD機)希望可以幫到你啦