點解水草缸中的鱼全都走上水面?會唔會係打得多二氧化碳?

我估下先：你係唔係ｄｉｙ造二氧化碳？
水草要種得靚，當然要有二氧化碳，但一套氣樽、錶頭、細化器要過千，所以用砂糖、酵母ｄｉｙ先咁受歡迎，事實上好多外國草友都係咁做。只不過，ｄｉｙ有一個唔好處：酵母無時無刻都造緊二氧化碳，你停佢唔到，加個開關唔俾佢出氣，又驚個樽氣壓太大爆。所以有ｄ草友都係２４小時長開。
其實任何細胞一定要氧氣進行呼吸作用，以醣產生能量；當有足夠二氧化碳同光時，植物細胞就可以進行光合作用造醣，氧氣係副產品。當光合作用旺盛時，先有多餘氧氣供給其他生物。
你話魚浮頭，當然可以同缺氧有關，但其實用藥過重、落多左鹽，ｄ魚都會浮頭。打多左ｃｏ２，魚o既呼吸必然受影響，所以亦會浮頭。
至於係唔係打多左 co2，咁就要知你個缸幾大先得。我個缸三十寸，都係一秒一至兩個泡（你要有計泡器先計到），咁你可以預下自己要打幾多。亦可以買市面上o個ｄ長期監測器放入缸，用化學劑顯示夠唔夠。
如果你真係要長打 co2，咁夜晚可以用氣泵打氣o既。

唔係打得多二氧化碳

係唔夠氧氣

你係咪冇氣boom同埋濾水器?想利用水草提供氧氣??!

我想話你知呢....

水草係會提供氧氣.不過唔係每分每秒都會提供氧氣

水草要有陽光先可以提供氧氣

相反,如果冇陽光,唔單只唔提供氧氣,仲會吸氧氣添!!

其實唔一定要氣boom,你用個濾水器就得架啦～因為可以打氧氣同埋濾埋水