✔ 最佳答案
要搞清楚你排既3-5-2係點既3-5-2先..
因為如果你打既係3-2-3-2,咁就可能係會用防中黎做邊路掃蕩(當然要有兩個防中先得),亦都可以好似米蘭既4-3-2-1咁,用兩個係邊路既中場做防守
先講番問題,大部份既陣容用4個後衛,即2中堅2閘,係保證左邊路都中路都會有人守波,但係一轉做3-5-2,中堅就要包抄/走動更多,可能會搵一個做最中心既最後中堅,負責最後防守(除門將),之後靠其餘兩個中堅黎幫補,不過亦都有三個中堅互動,互相包位黎作為三中堅既防守分工,但係相對黎講,後衛既邊路防守能力就會差多,所以要靠防守中場黎幫補
我想講既係,如果排3-5-2都有好幾種,邊線可以擺邊中場/翼衛(通常)
中路亦可以放雙防中一攻中或者三中中,作用都係用黎平衡攻守互相幫補,如果係咁既情況,當然係邊路球員要負責邊線守波,所以用3-5-2多數都係用翼衛會比較好
所以,總結就係,三中堅既防守工作應該係會互相包甩漏同時亦少後上/打到邊線防守,所以邊路既防守就要靠前線既防中移位/靠翼衛走動回徹,參與防守