點解多數本港大學校長都係讀science出身？

因為大學請人其中一個要求係學術成就, 係會用出版數量來釐訂.
文科人要係國際知名既刊物出一篇文章, 往往要三幾年工作. 而一個理科人既三幾年工作, 可以出到好多份paper, 望上去好似好勁, 其實係將d材料細分做不同既題目, 數量勁d啫.
其實同樣係理科, 做分子生物研究, 同做生態研究, paper既產量已經相差好遠. 唔等於生態人既工作唔重要, 不過係同一個學系裡面, 往往會好蝕底, 比d分子生物人做晒d要職: 系主任, 院長 之類.
同一道理, 理科人文科人一齊競逐校長一職, 因為背景好唔同, 好難衡量邊個優勝, 咁paper數量係一個客觀考量. 咁理科人就著數好多啦. [所以呢, 所謂客觀, 其實係biased的, 並不公平.]
理科人管理領導能力方面, 相信真係好個人既啫. 其實, 讀工商管理既人先至真係有優勢. 話說回來, 校長既領導能力只係校長既 [其中一個]功能, 仲有更仲要既係 [籌款能力]. 呢d野, 人面夠廣係好重要. 所以, 多數校長要同海外有多d關係, 將來可能會同中國既商家佬有關係, 可以籌最多錢, 就會做到校長都唔定!!!