想請問有關冷氣機問題 ...

一部正常運作嘅冷氣机絕不會有此現象，况且係新安装！水點從風口噴出表示風咀對上的水盤有水溢出，流落風口位置被風吹出。分體機的水盤是較淺的，因外形設計纖巧而受影响，若師傅裝機時冇用平水呎靠去水位那邊微傾安装，或反傾安裝部機就可能滴水！而排水喉安裝得不順暢都會阻慢排水速度，啲水去唔切就會導致水盤養水，同樣亦會有水漏出，你自己亦可以 DIY 檢查一下，手上有把平水尺，查出冷氣機嘅排水位置，將平水尺按在平滑嘅機底，若平水儀顯示向水位那邊傾斜表示安裝正確，正平水安裝可以接受，反傾安裝斜度大就會出現以上所述情况。若全部都正常你便要打電話給代理上門檢查，是否部机設計出問題？新機通常有一年免費保用，或打電話給賣机嘅公司投訴，負責嘅會幫你檢查是否安裝出問題，不負責就會耍你！希望幫到你！（資深冷氣技工）

2008-05-15 23:06:23 補充：
冷氣機風咀噴水除了上述安裝問題還有很多環境因素受到影响，如室內機的擺放位置或靠近有熱源嘅地方風咀都會凝聚水點，去水喉管淤塞亦會導致室內機滴水.....

簡中有一兩滴水是正常的。
道理是因為室內空氣潮濕和溫度比較高，當室內空氣遇到由冷氣風機吹出的冷空氣時，便會即時產生冷卻作用而轉為水點，簡中出現這滴水現象是正常的。