無限公司合伙人問題！

你的問題可以好複雜, 也可以好簡單地解決.

1. 佢收你退回股本金時, 有冇証人 ? 有就易做好多. 冇就五五波, 因為佢可能唔承認是退回股本金, 只是你借錢或俾錢佢. 如果俾現金, 就重麻煩. 支票的話, 最少有証據你俾過錢.

2. 你間公司規模應該唔會好大, 最好結業再開另一間, 咁就冇麻煩.

3. 如果公司有資產和欠債, 結業會麻煩點, 但好過有手尾.

4. 其它手尾
--對方用公司名, 繼續在外面招搖, 有問題時, 你可能要負部份責任.
--同樣,你有問題, 佢都可能要上身
--無限公司, 即係無限責任.

5. 告佢亦有難度. 問題係你告佢乜? 欠錢 ? 唔簽退股書 ? 前者要証據, 後者冇得告.

6. 發信俾佢都, 點都要表明立場, 但唔知信內容, 無法俾意見.

7. 登報聲明亦可.

股本並非借貸，而退股要上律師事務所辦妥手續才付款。既然佢收錢而無退出，咁即係同公司借錢，你可以搵律師告佢。如果佢賴皮，你告到佢破產，然後同破產管理處攞翻公司以抵消欠款。
希望幫到你！