Nikon 相機同鏡頭問題

如果你諗住買D80係單純想用翻支鏡,咁我勸你剔除咗呢個考慮.支鏡冇錯係可以裝落部機度影到相,但係D80有1.5倍焦距增長,即係支鏡實際上變咗42-120mm,廣角端比最差既DC仔仲差.冇理由咁貴買部機翻來淨係影遠嘢呱.始終你都係要買過支鏡.
如果想平平地接觸下攝影建議買D60套裝,只要5480左右,套裝鏡既焦距去翻數碼機正常既18-55mm,而且套裝鏡頭己經有防震.低買過D40或者D40x冇防震既套裝.
不過D60冇機身摩打再加鏡頭會有較多限制,其他機能都會冇D80咁好,如果預算許可的話,買D80亦無不可.鏡頭方面可以買翻D60套裝嗰支,D80套裝嗰支鏡頭雖然焦距長啲,但冇防震我覺得唔係幾好用.


2008-05-14 14:04:39 補充：
由於支鏡頭焦距唔好用,始終都要買過,買D40都冇問題.不過D60會底買啲
用菲林機學影相絶對唔及數碼機有效.冇錯影完一堆菲林相唔好係技術有問題,不過好多時你都唔知係邊度出咗問題,淨係知道啲相唔好.可能你可以搵啲相問下人出咗乜問題,跟住再去試過,不過你一定要影晒一筒菲林先試到你估計會出錯既幾個可能性,而且仲要等晒埋出來先知.但係你影相既過程中你又可能會犯咗其他錯誤而唔知道,又要等下次再影另外一筒先可以試.學習過程會好長.一筒菲只可以攞到一次經驗.

2008-05-14 14:04:45 補充：
數碼就唔同,你可以即時睇到結果,有乜錯都可以即刻改設定再影過.而且每一張相都有晒你拍攝設定既紀錄,按36次快門就係36次經驗,而且再按快門都唔駛俾錢俾時間.時間真係用咗去學習而唔係無無謂謂既晒相.
影相影得唔靚可以靠執只係美麗的誤會.而且執相亦係一門學問,冇必要咁守舊去排斥.
相機只係一件工具,專唔專業睇你影到乜出來,用菲林機就專業只係好表面既睇法.

AF鏡D40唔用得架, AF鏡冇內置摩打, 要D80至可以推到, 如果夾硬放係D40上便, 就要用手動對焦, 到時你絕對會影到爆炸.

你對相機唔識, 想學影相既話, 我唔明你點解會想買DSLR,
用SLR(你部F70) 黎學影相, 無論技術理論層面都會比DSLR強,

DSLR本身可以用電腦執, OUTPUT之後唔好你未必明白點解,
但係菲林, 尤其係SLIDE, 出黎之後, 有咩問題就好簡一句 "技術不足"
咁要再學都易好多.

唔好以為用DSLR至叫型, 用SLR影, 呢O的叫專業