如果去見工,見完發覺份工原來唔岩自己,咁做可以點做呢??

基本上，有好多工係禾稈禽珍珠，你見工時覺得唔啱，可能真係返工時又覺得好啱，所以唔好咁衝動喺見工時就拒絕人，而且你唔覺得當面咁講有啲尷尬嘅咩！
最好的方法，係見工時照樣話啱，然後等對方同你夾返工日期，期間返屋企諗清楚，同屋企人或朋友商量，如果都係覺得唔啱，先打電話通知人，雖然係衰啲，但為左保障自己，基本上較有搵工經驗嘅人都會咁做，始終人地請唔到你佢可以請過第二個，但你明明有份工請你，一時衝動話唔做，點知好耐都搵唔到第二份，一直失業，你就後悔莫及。
除非份工係有啲似呃人，否則只要係正常嘅工，喺冇第二份工選擇下，都應該返一兩日睇吓先；就算真係百分百肯定唔啱，都係事後先通知佢，即時放棄真係好儍嫁。

同意樓上所講，你見工姐又唔係請硬你，唔駛咁急拒絕人，何況請唔請你的決定權係人地度。就算見工個陣聽到已經覺得唔岩自己，唔駛開聲講到明既，到佢真係想搵你返工先拒絕啦。好似樓上咁講，in緊個陣好難咁樣拒絕人...咁之後in來都無意思啦。

好簡單　　,,,同佢講 , , ,唔好意思呀...我係屋企同D屋K人唸清唸楚,,我都認為呢份工作不太唔適合我 ,, , !!