不肯跟你開儲蓄戶口的男人?

首先﹐我唔會質疑你地感情有幾深﹐感情唔應該用時間去衡量。不過﹐拍拖一年確實唔長﹐你地都未了解得對方透澈﹐咁快就開個聯名戶口似乎早左d。

我都係女性... 感情上男人可以同你赤裸裸﹐但每個人都應該擁有自己嘅私隱﹐金錢上佢絕對有權保密。

男人可以好愛你﹐亦會視喜歡嘅女性為結婚對像﹐不過咁只係代表佢o係依段感情上找到一個前進嘅方向﹐並唔代表佢o係心態上願意被束縛著。

或者你視一個聯名戶口為結婚基金﹐你只要求佢每個月存入一﹑兩千蚊﹐其餘嘅錢任得佢點洗都得。錢反正都要儲﹐儲入聯名戶口﹐理應唔會對有太大影響。偏偏問題就係o係“聯名”依個字眼上。

“聯名”﹐顧名思義你可以隨時access﹐佢幾時入數﹐幾時draw錢你一目了然。萬一佢有一個月手緊左﹐入少左一千﹐你就會心生疑慮﹕點解佢會儲少一千嘅呢?

萬一下個月佢依然手緊﹐無辦法存任何錢入聯名戶口﹐你難免會唔高興﹐少不免會對佢依依哦哦﹐為左o個一千幾百傷感情又何必呢?

雖然並非每個男人都善於理財﹐但一個人習性如何﹐總可以於日常相處中了解。倘若你的男人是不善理財的類型﹐咁你開一百個聯名戶口都冇用﹐佢d錢都係會冤枉來瘟疫去。

相反﹐如果你男朋友本身係一個有計劃嘅人﹐即使冇聯名戶口﹐佢亦會乖乖為你準備一個結婚基金。只不過儲幾多由佢自己話事﹔手頭鬆儲多d﹐唔方便時唔儲亦得。錢都係儲左o係度﹐但冇左俾人監視嘅壓迫感。

男朋友唔肯開聯名戶口唔代表佢唔愛你﹐只不過佢唔喜歡依個方式。拍拖係求開心﹐既然佢都視你為結婚對像﹐你又何苦逼得佢唔開心呢?

我會覺得女人要男人開聯名戶口唔係傻﹐而係冇安全感﹐覺得樣樣野都要o係自己監控下先會安心。老實講﹐兩個人之間要信任﹐點解你唔去相信對方可以o係零監視之下達成儲錢目標呢? 咁小事你都唔信佢﹐你首先已經否定左佢嘅誠信﹐咁你又點能夠質疑對方愛錢多過愛你? 對方都可以懷疑你緊張佢d錢多過佢wor!

處理任何關係都好﹐俾多d空間對方。我一向都贊成各自儲私己錢﹐用自己pocket嘅錢﹐即使你買左條貴d嘅裙﹐或者對方出街開左支靚酒﹐都唔使下下向對方交待。

我會prefer大家定下一個目標﹐e.g. 結婚基金40萬﹐分3年儲﹐大家50/50又好﹐你6我4又好。總之3年期滿我expect會見到佢o個份錢﹐然後開開心心結婚﹐期間佢d錢點使﹑一個月儲幾多我統統唔會過問。彼此之間嘅承諾依然存在﹐只係換左一個儲錢模式。

或者你會問﹕“3年後佢儲唔到咁點?”咁要視乎3年間佢有咩事發生過﹐會唔會轉過工﹐或者屋企有咩問題。如果有嘅話﹐我當然會體諒佢。假如答案係相反的話﹐我只好自嘆眼光差﹑睇錯人喇! 咁我至少都儲左舊錢﹐有返d“渣拿”。仲要還神當初冇開到聯名戶口呀! 如果唔係咁多年儲落o個d錢同息口都幾難計! haha

俾多d空間對方﹐佢絕對有權選擇一個佢覺得舒式嘅理財方式。要做到尊重佢﹑相信佢﹑相信你自己嘅選擇。如果你o係儲錢咁小事都對佢冇信心﹐將來點將一生付托俾依個人?

任何人都有手緊嘅時候﹐相信你都唔喜歡個個月俾人check住有冇入錢落account嘅感覺。如果你有同媽咪開過聯名戶口﹐你應該會了解男人嘅感受。

我好明白你既狀況,因為我男朋友都係咁。不過講真一齊開戶口真係好容易有"為錢而嘈"既問題,你地有冇傾過每個月要放幾多入去?多數女仔都會叫男仔放多d架喇。可能男方個邊會覺得唔公平而唔肯,同埋有時人都有手緊既時候,自問如果有一個月佢唔放錢入去你會唔會發脾氣??如果你想開個戶口既出發點係因為儲錢結婚既話,唔開為妙。因為結婚呢家野應由男人去做籌備,而女既只係扶持角色(幫補下)。你唔好比你男朋友d朋友知添呀,因住佢地會話你貪錢架!!!(佢地多數覺得女仔會拎曬d錢)

我同你既case都係一樣, 我同我男友一齊左3年喇...
呢3年我同佢商量好多次一齊去開個聯名儲蓄戶口...
佢唔肯, 話第日得閒, 我上星期同佢去怛生bank攞信用咭,
順便開個聯名儲蓄戶口, 佢唔肯,就同我嘈交....

其實我feel到佢未有打算儲錢, 又唔諗下將來姐...
應該未算係愛錢既,男仔無女仔咁快早熟...
過多幾年, 佢成熟就應該識諗架喇...

佢而家唔肯同你開個聯名儲蓄戶口, 唔緊要,,,
自己儲番多d錢旁身好過啦...

都唔係的,錢始終分清楚好d,兩公婆都係咪話.被人用晒d錢咪重衰

女方係咪唔應該咁傻話要一齊儲錢?
對!你真傻,應叫他比錢你儲結婚!
如果他是想和你結婚便不會有問題!
戶口是他的,卡&存摺放在你那兒!

怕日後為錢而嘈? 點解?
點樣嘈?
只能說他有私心 想為自己鋪好後路
或是跟女方感情還不穩定
不想那麼早定下
多點觀察 不要把自己的心全放進去
一年 還算是熱戀期
慢慢來
女方唔傻 係單純
所以要更加小心面對