我而家係Englishtown讀緊呀,我自己就覺得佢個課程幾好,因為佢都幾幫到我學到英文.我讀左幾個月,講英文都流利左好多
簡單講一講佢個上堂模式先啦,買佢既課程基本上已經包晒實用課程同商業課程,因為你可以自由選擇唔同既topic去上堂同做練習.開課之前佢會叫你做左個測驗先,評核左你係咩level先,跟住先編番你入適當程度既班開始上堂.上堂分三個部分,分別係網上、面對面上堂同課外活動.網上個part你要做練習,好似平時做功課咁,有埋video睇,同埋會有埋真人會話課,要同外籍老師 其他國家既學生一齊上堂
至於中心上堂都係分程度上,題目又係你自己揀,要先預約,最多6個人一班,而工作坊就最多15個人一班.課外活動個part就好多種類選擇,通常會有既係dinner night,bar night,烹飪班,跳舞班等等...每日都有唔同活動搞,每個月都會有戶外活動,好似今個月就有扒龍舟,遊船河,攀石個d~又係由外籍老師帶,出到黎一定要講英文.
我自己會最鐘意呢part囉,因為以前讀書實在太少講英文啦,搞到oral完全唔掂.同埋呢一part真係迫你要係真實既生活環境入面度用英文,你會學到好多唔同場合要講既英文,好實用,同埋D老師真係好nice,會好主動,又鼓勵你講.本身我自己係做sales既,成日要同外國客吹水,呢部分會好幫到我
至於學費方面,睇你報一年定兩年,兩年就會抵D,申請埋持續進修基金,一個月都係俾三百幾蚊.雖然係要合格先有得claim錢,但都唔係太難.如果因為學費貴報左一D唔好既course,乜都學唔到咁仲side錢啦!
學英文唔洗講就一定要靠自己架啦,你唔肯讀就冇人幫到你,最緊要睇老師同埋上堂D學習模式呀,教材幫唔幫到你學野囉.
以上就係我既個人意見,你可以參考下
參考: 我自己