我想問下倉鼠可否一個人住

A.幸好你去買鼠遇到既店員好人,冇叫你買多隻,倉鼠係獨居動物,一隻生活先會係最好,唔好再買多一隻啦,買既話都最好分籠
其實鼠鼠做左d咩令你覺得佢悶悶不樂呢?

要了解動物既感覺,最好係可以代入返去諗
倉鼠係獨居動物,只要會交配時走埋一齊(唔計鼠媽照顧鼠b),平日唔會好似人咁,同同類交往,只會自己一個生活;原居沙漠既倉鼠,因為好怕熱,所以日頭就用唻訓覺,夜晚涼d先出唻活動既
由此可見,日頭見到鼠鼠係會較少活動,加上今日都幾熱,熱天鼠鼠會更加少郁動,而且你話剛買返唻,唔知係買左幾耐呢?新鼠返到屋企係會好唔慣,鼠鼠身型細小,更加會係好怕人,可以想像一下,大你咁多既動物忽然帶你返屋企,只係行近都會好驚,加加埋埋,唔難解釋到看似悶悶不樂既感覺,而且鼠鼠最喜歡食,訓同玩轉輪,唔會好似人咁有咁多娛樂呢

而且我覺得,好多人都會用人既感受去諗鼠鼠,覺得一個生活好悶,我以前都係咁諗,以前我係一籠兩鼠,同唔同性別,同一胎都試過好多次,傷亡慘重,而家一籠一鼠左好耐,發現一個生活既鼠,健康同長壽得多

其實鼠鼠最好分籠,繁殖鼠鼠會有好多問題,一籠一鼠唔會被打,又少受驚,我既鼠多數都係老死OR年老腫瘤而死(當然配合返唔亂食野,同適當地對鼠鼠啦),建議分籠原因如下:
1)倉鼠天生根本就係獨居動物,根本唔適合群居,就算兄弟姊妹,同性別or唔同性別,都一樣可以打到死晒.睇書知道,外國既鼠鼠繁殖場都係一籠放一隻鼠,到發情期先放埋一齊一陣既
2)鼠鼠既繁殖速度好快,而且繁殖鼠鼠有好多問題(例如鼠媽媽有機會會食bb,bb未戒奶就打交但又唔分開得),就算樣樣都解決到,都會令鼠鼠既生活質素下降,鼠媽媽生育後壽命又會縮短(甚至難產),好多隻鼠又會有第d問題,所以真係唔好俾鼠鼠生bb呢
3)可能你會話鼠店既鼠咁多隻一齊都冇事,但鼠店既鼠仲好細,所以唔會打得好犀利,而且你睇到鼠店既鼠既時間都未到深夜,唔係鼠鼠最活躍既時候,所以未必俾你見到有咩問題.但我曾經見過,鼠店一堆鼠入面,有隻鼠已經得返d白骨...所以鼠店講既野,,唔好盡信,鼠店有鼠死左都唔會俾客人知呢
4) 就算兩隻鼠初初唔打交,其實之後都好易再打,特別係鼠鼠夜晚活動既多,半夜打起上唻,你又唔知既時候,仲危險.我細個既時候都試過覺得2隻鼠好似好fd咁放埋一齊,同一胎,我出去一陣返唻就打死晒啦
5)可能會諗鼠鼠會怕悶,但其實鼠鼠天生獨來獨往,只要有足夠既空間同運動(一個轉輪都ok啦),鼠鼠就唔會悶

B.其實好多鼠店都會有轉輪買,不過有網友話金魚街冇,可以試下打去大型連鎖度問下,而Q-pet而家有網上購物,都可以睇下呢
http://www.q-pets.com/
買轉輪要留意,唔好係一間間有隙既(地板同樓梯都係),呢d好易會卡住鼠鼠腳

2008-05-13 15:45:24 補充：
其實同唔同性別,就算同一胎既同性,都一樣易打交,我之前一籠兩鼠時,有兩兄弟感情好好,成日攬住一齊訓,忽然都打到一隻頭甩,一隻腸出;姊妹唻講,都有試過未戒奶未分得籠時,已經打到一隻冇左部份耳,一隻顛左咁係咁叫;我試過好多次,係次次都打,有時打得唔傷OR只係受驚好易令人忽略問題

當佢50%會打,咁又值唔值得用鼠鼠既生命去博呢?所以真係要考慮清楚呢

2008-05-14 04:28:41 補充：
唔洗客氣^^
我冇買呢隻轉冇相片唔好意思,有隙一間間即係好似鐵籠既欄邊咁,冇耐之前有個知識,佢放左段片出唻,佢用既轉輪就係有隙,你可以去睇下:http://hk.knowledge.yahoo.com/question/question?qid=7008051300631

如果你隻鼠唔係熊仔鼠,你講既轉輪冇問題呢,熊仔鼠就唔合用呢隻咁細既轉

倉鼠唔一定要買一男一女,其實你怕牠悶,可以買同性倉鼠一齊養.
另外買倉鼠用品可以去旺角金魚街有好多選擇.

你可以買同性朋友仔比佢,
那他就不會悶啦

其實小動物都需要朋友,
你幫佢相親, 建立小家庭當然好,
不過, 他們的繁殖能力超強,
一胎好幾十隻, 真係嚇死你,
所以最好都係安排同性,
寧願佢搞基, 好過生一大堆要你照顧!!!