有關魚缸水質問題....................................................

UV燈因為貴所以我無用過,
但用過一瓶Tetra的Algae Control, ,
取走活性炭, 然後跟樽上的指示用, 十小時後放回活性炭,
三天水就由綠變白, 一星期後換完水用多次, 再隔一段時間換多次水, 水就變清了。
不過記得用的時候要用打氣, 否則魚會缺氧。
如果有螺、蟹和蝦等要先取出才用, 不然必死無疑。

水如果有過多養份，又o係光線太充足o既地方，就會出現（１）青苔；（２）綠水。青苔你知啦，綠水係由於一種叫做綠小球藻o既藻類o係水中大量繁殖而引致。有陽光照射o既水尤其常見（如公園有魚o既水池），因為一來光線充足，二來陽光係全光譜，有好大部份o既光係水草用唔著、益哂ｄ藻o既。
所以，一日養份唔減少，光線繼續太多，綠水都會不停出現，點換水都冇用。活性炭用於吸味吸色，但綠水唔係色，係藻，所以亦冇效。唯一可以用o既係ｕｖ（紫外線）燈，但要有個泵灌水入去先用到。
唔想治標殺ｄ藻，就要治本：
１．減光：即係用少ｄ燈管、減低火數（即係令以光能形式入水o既能量減少），當然，o係你o既程況，即係要搬缸或者搵o野遮下，等陽光唔好照到。
２．減養份：養份來源係魚糧，入缸後變成剩糧或者魚屎尿。如果放少ｄ糧（一日一餐，兩三分鐘食清）就冇剩啦；要處理魚屎尿，一係減少魚隻密度，一係加強換水（主力換走缸底魚屎，濾水器只係處理水中阿摩尼亞同氮化物，唔係用o黎吸屎架）同過濾系統。濾水器要注意流量要夠，一個鐘都要做到全缸水五六個循環，生物環係最主要濾材，愈多愈好。
以上o既o野做足，綠水唔駛ｕｖ燈都搞得掂。
至於綠屎，咁就一定同食物有關（正如你食得多菜都會．．．你明啦）。可能魚食左好多植物，唔駛擔心。如樓上講，白屎先最驚，因為呢個係體內寄生蟲o既病癥。

個缸放係窗台,
d水草晒太陽,
d水咪變綠囉~
而由於你只係變1/3既水,
而唔係全部,
就好似鹽水咁
換1/3都仲係咸嫁
唔會完全變到無咸味
同樣水亦唔會變到透明無綠色~

D魚D便便是綠色
呢個問題不大,
應該同食既野有關,
唔駛話太著重既~
除非d便便變左白色先要留意

想令d水清d既方法,
你要頻密d變水
但緊記要養過既水先好換落去
否則氯氣影響魚魚既健康~
睇睇個濾水器係咪夠力抽到大部分排泄物
夠唔夠個缸用
咁清污糟野就清得好d~

除左咁就無其他方法,
或者可以買清道夫返黎清清個缸啦
其實無落泥底、沙底既話
d水一般都會清~

因放在窗台所以係咁,因為有陽光、紫外光,所以會生青苔,其實冇乜所胃, 對D魚冇害,你可隔二日用海棉擦缸,之後換水,可用清水劑,但對D魚無益,可換個強力D掛濾或加一個氣泵!

2008-05-13 12:26:46 補充：
加活性炭可令水質變清

我都試過有同樣的問題, 你有沒有用濾水器呢?你試下換咗濾水器裡的炭, 應該好快會好番.