點解狗舔地

原因如下 :
(1) 地上有狗狗尿尿味道, 佢會一心想自己清潔番, 費時搞到主人；
(2) 有時佢坐低後又起身想行開時, 就會舔舔佢剛剛坐低的位置, 原因亦係佢會一心想自己清潔番, 費時搞到主人；
(3) 地面唔乾淨, 有塵, 咁佢又會舔舔地面, 清潔下佢；
(4) 佢好奇, 想用條脷舔下地面試下係什麼味道, 佢家得6個月大, 仲好bb咋, 係對身邊各樣事物最好奇, 最八卦的年紀, 就好似人類既2-3歲時bb一樣, 什麼都想試, 什麼都會擺入口...狗狗都一樣, 佢此時係想用條脷去記錄周圍事物的味道。
(5) 剛搬進新居住環境, 同(4)一樣, 但今次就算狗狗已經成年, 佢都會用脷舔下新住所地面係什麼味道, 亦係想用條脷去記錄新住所周圍事物的味道。這情形通常係將狗狗由狗店接走初次踏足主人屋企時都會出現此情況。
要防止 :
保持地面清潔, 要吸下塵, 不要太過責備狗狗, 最好不要用打, 反而輕輕抱起佢, 俾d零食骨頭佢咬, 轉移佢視線。每次佢舔地時, 你可即時輕輕又溫柔地抱起佢, 同佢講 "唔好, 汚糟, 汚糟" 或 "no, dirty, dirty"一段時間後, 佢會漸漸戒除呢個習慣啦。俾d耐性啦~你咁樣做, 狗狗會知你對佢有要求, 但又好錫佢, 佢會對你更信任同更爹你~到時你都會覺得這一切都係好有趣~~