無得抄足球大挑戰: 如果土耳其和以色列回歸亞洲區, 她們會不會所向無敵?

首先講實力，相信唔使多講，樓上第二位已經提出左，土耳其曾在2002年世界盃打敗中日韓，而以色列近年好多國家隊骨幹都出國搵食，實力不容忽視。

至於佢地2隊對亞洲球隊的話，相信都會有壓倒性優勢，因為亞洲足球一向都比較著重技術同速度 (只有南韓係比較少數著重體力)，但不太著重身型同整體合作，但係由於以色列和土耳其2隊都已經係歐洲「浸」左咁耐，加左已有部份球員係踢歐洲球會，佢地已經學會晒歐洲衝撞型打法，因此係打法上根本冇得打。

不過，如樓上所講，我都相信lee 2 隊係唔會返亞洲，但理由唔會係好似樓上所講係因為宗教問題。
最好的例子係亞洲盃冠軍伊拉克，佢地陣中分別有什葉派，遜尼派同穆斯林三大不同教派o既人，但仍然團結一致。

個人認為佢地2隊唔會返亞洲最大原因，係收入同排名兩大因素。
首先係收入方面，歐洲足協每年係舉辦國際賽 (包括friendly) 中得到o既廣告收益都係屬於天文數字，而lee堆天文數字會按排名 以及國家隊係大型盃賽中成績而按比例分俾球隊，lee 堆收入係亞洲足協提供唔到的。
另外排名方面，係FIFA 個system中，亞洲只係第四檔次，因此係計算世界排名果陣，要將計出黎o既數值乘0.85 (即係最後會少左)，但歐洲區係屬於最高檔次，就唔需要咁計，所以以色列和土耳其如果有實力同歐洲球隊爭一日之長短，就一定唔會返亞洲，費事贏埋唔夠扣。


最後，你問係咪任何國家，放係歐洲賽區都會自動進步，我會答你：唔一定。
的確踢足球，要經常去不同地方踢，領教下不同地方踢法從而吸收經驗，所以唔可以做死山寨王，否則一離開左自己地頭會唔識點踢，lee個係踢足球的定律。
但有d國家 (好似蒙古同關島果d)，國家本身都唔注重足球，就連球員都係業餘玩玩下，lee d 球隊你放佢係邊都唔會有進步嫁啦。

根据往績，土耳其肯定係。土耳其係02世界盃己經連環打敗中日韓。而以色列近期亦令歐洲列強十分頭痛，係亞洲應該係win梗。
不過佢地都唔会返亞洲啦。以色列是因為宗教問題，根本不可以去西亞列強作客。土耳其係歐洲玩得咁開心，點會降格去亞洲。澳洲都係想進步至來亞洲玩！
任何國家放了在歐洲賽區，都會自動進步的。同強者比賽得多，都會慢慢學到嘢啦！連塞浦路斯近期都有d進步就知啦！仲有，全世界最TOP的球員都去歐洲聯賽，真係唔係只為錢！

佢地打亞洲區D比賽都玩死人，繼續在呢度打，進步多D，可以秋歐洲球隊嫁啦！