除左Cut線要扭頭, 有無咩情況要扭頭??

轉一般彎唔係唔需要望鏡
只係冇規定你要望鏡
但係轉彎前同轉緊果陣 你就自己要望下兩邊鏡同埋後鏡
好多時d人都話我地學神慢 轉完彎轉直踩去你前面
(我指雙線行駛 學神如果直去一定靠左線行再轉右線)

你唔望下鏡點知道後面部車點
另外一定要望左右鏡(我指轉彎)
雙線行車 你格黎有架大貨櫃
我諗你都唔會同一時間同佢一齊轉
一架15米長既車 你唔望鏡睇下格黎咩車
你同佢一齊轉路口 肯定會hi到你
好話唔好聽 佢架車太急 成架訓低 而你又同佢一齊轉緊彎
你都幾大劑

扭頭望盲區只係你轉線 爬頭 指定你做既
但係轉彎佢冇規定你 假若你格離真係有架大貨車
你唔望下鏡 乜都睇唔到 去到轉緊 佢hi到埋黎
你先急停踩腳掣
考牌官唔會話架貨車錯
佢會tick你太接近物體同冇留意交通情況

擰頭望後面有其好處, 特別在考試時候比考官知你小心, 多做無壞.

所謂「扭頭」，即是要大動作拎頭望盲點，這樣考官才當你有做望盲點的動作。
正在駕駛的時候，凡有需要望盲點位置的都必須「扭頭」，即所有有需要非沿著行車線行駛的，在作出這個動作之前都要望鏡加「扭頭」望盲點，在沒有其他車輛正在接近的安全環境下駛離原本的行車線。
過線是其一，掉頭、泊位亦會在適當時候做以上動作，但一般路口沿行車線轉灣就無需「扭頭」。

睇倒後鏡都要大動作則頭
否則考官會話你唔睇鏡