d80閃光燈配置一問

冇錯你既想法正確.
SB400冇錯係輕巧同平,不過最大缺點就係唔夠力.
特登加支外閃結果只係好過內閃小小不如索性用內閃算數.我覺得佢設計係俾prosumer機用多過俾單鏡機用.Prosumer機如果裝支SB800上去實成日打跟斗.
或許有人說數碼機閃燈唔夠力可以加高小小iso同開大光圈.咁講法在暗環境係正確.但其實最考驗支燈反而係太大陽下補陰影或者背光時補光.
D80的最高速同步係1/200秒.太大陽下就算用iso 100,光圈都會好細.好多時你會發覺就算全火力輸出都會閃咗等於冇閃.而且火力細搞到冇乜本錢再加柔光設備.
另外SB800除咗火力大外,仲有紅光輔助對焦燈,擺頭也比較靈活,仲可以玩無線閃燈.
建議買閃燈一定係買最勁嗰支,因為只要投資一次就唔駛考慮再升級,差價跟次一級的SB600也不是太多.
至於副廠燈就唔係好建議,因為容易有輸出唔準確問題.
Nikon網頁可以睇到兩支燈的規格
http://www.nikon.com.hk/products.php?categoryid=14