有樓申請綜援

✔ 最佳答案

請問社會福利署已經對你、你女友同埋佢四名子女做咗初步嘅入息和資產審查未？
依家社會福利署同你女友講，要求要埋你啲資料，係因為基於你本身同佢地一齊同住，你和你女友仍未結婚，而單位嘅業權係屬於你名下物業，而社署必須要確切肯定你真係以無條件向你女友同埋佢四名子女提供居所。社署佢地咁做嘅目的，係要杜絕和避免你可能會以收取你女友租金方式為名，聯同你女友一齊騙取租金津貼。
若果依家只係你女友同佢啲子女一齊申請綜援，而你確實真係以無條件向你女友同埋佢啲子女提供居所，而佢地亦通過咗社署嘅資產審查，你係唔會影響到佢地嘅申請結果嘅。
以你目前嘅情況嚟睇，你應該仲係未完成入息和資產審查嘅階段。所以，社署要求要埋你嘅資料，亦可以包括埋你嘅存摺(銀行所有存款)、樓契、個人現金餘額﹑保險計劃的現金價值﹑股票及股份的投資及其他可變換現金的資產及財物等，以便對你一家作出調查。
放心，因為你同你女友仍未結婚。若果社署安排你女友與佢四名子女一齊去申領綜援，只要佢地嘅資產限額仍未達 HK$58,000.00 嘅，通常都無咩問題。(除非，你和你女友有刻意或存心隱瞞啦！)
關於社會福利署申請綜合社會保障援助計劃嘅資產限額，以及標準金額等適用資料，請到以下網頁看看：http://www.swd.gov.hk/tc/index/site_pubsvc/page_socsecu/sub_socialsecurity/#CSSAal

1.
綜合社會保障援助計劃

(i)
資產限額

綜援申請人及其家庭成員所擁有的資產 *(包括土地/物業﹑現金﹑銀行存款﹑保險計劃的現金價值﹑股票及股份的投資及其他可變換現金的資產及財物)總值不得超過下列限額﹕

* 包括在香港、澳門、內地及海外國家/地區所擁有

　
　
單身人士個案
　

　
資產限額 (港元)

健全成人
22,000

非健全成人（即兒童﹑老人﹑傷殘或經醫生證明為健康欠佳成人）
34,000
家庭個案

(a) 家庭成員中有健全成人的個案

健全成人／兒童的成員

高齡﹑傷殘或
經醫生證明為健康欠佳的成員

人數
資產限額 (港元)
人數#
資產限額 (港元)

1

14,500

1
34,000

2

29,000

2
51,000

3

43,500

3
68,000

4 人或以上

58,000

4
85,000

　
5
102,000

6
119,000
[舉例來說﹐一個七人家庭﹐其中包括兩名健全成人﹑三名健全兒童﹑一名傷殘兒童及一名老人﹐這個家庭的資產限額為109,000元（即58,000元+51,000元）。]

(b) 家庭成員中沒有健全成人的個案

人數#
資產限額 (港元)

2
51,000

3
68,000

4
85,000

5
102,000

6
119,000
# (有關6人以上的資產限額﹐請向社會保障辦事處職員查詢。)

而其他有關申請綜合社會保障援助(綜援)計劃嘅資料，亦請到以下網頁看看：
http://www.swd.gov.hk/tc/index/site_pubsvc/page_socsecu/sub_comprehens/
http://www.swd.gov.hk/tc/index/

2008-05-12 04:55:02 補充：
放心！雖然你女友嗰四名子女都係你同你女友所生，子女嘅出世紙上父親嘅名就算寫咗係你，大家居住埋一齊，但因為你同你女友未係正式註冊結婚嘅關係，即使你就算真係嗰四名子女嘅父親，但因為你同你女友係無夫妻名份嘅關係，依家你只不過喺法律上係子女嘅父親，但名義上你同你女友無名無份，你係可能隨時唔儘做父親責任去放棄哂你啲子女唔去照顧你啲子女。而今次申領綜緩，係用你女友同埋你啲子女嘅名義去申領，基於你有呢一種特殊嘅關係，喺呢種情況下，社署一般係儘可能會將你個人，你女友同埋你啲子女分開兩個獨立嘅個案去處理。所以，即使你有物業，能夠証明到你同你女友未有註過冊結過婚，社署係可以因應你同你女友嘅情況去處理的。

2008-05-12 04:55:19 補充：
當然，因為基於你係爸爸嘅關係，本身你同佢地一齊同住，只不過你和你女友仍未註冊結婚，而單位嘅業權係屬於你名下物業，社署必須要明確確切咁去肯定你真係以無條件向你女友同埋你四名子女提供居所。社署佢地要咁樣做嘅目的，無非就係要杜絕和避免你可能會以收取你女友租金方式為名，聯同你女友一齊去騙取租金津貼。

所以，你係必須要同社署合作，如實提供一切資料，以解決你目前呢個短期嘅經濟困局。當然，因為你本身已有物業嘅關係，一定超出個人資產限額，你係唔可能以個人名義去申請個人綜援。你女友同你啲子女嗰份綜援邊度夠你地一家人用呢？為免你家庭開支負擔繼續加劇，你真係要積極去揾工，先至有轉機哩！

回答 (2)