我玩開健身的.已是肌肉型.食辣會唔會有影響

Q1. 我玩開健身的.已是肌肉型.食辣會唔會有影響肌肉既發

ANS: 食辣的食物跟健身沒有直接關係。只要營養充足就得，調味方面唔係太大問題的。


Q2. 我已經吸收很多蛋白質,但好似停留左再太長肉

ANS: 有好多方面要配合，唔係三言兩語可以知道你的問題所在的。不過常見有以下幾樣：

- 食得唔夠碳水化合物 (如果碳水化合物攝取量不足，身體會將蛋白質燃燒，變相唔夠蛋白質)；
- 運動平台期 (身體無可能不間斷，無止境增長，通常經過一段增長期，就會進入平台期，呢段期間會無乜明確進步，再過多一輪，又或者大幅改變運動模式，至可以再次增長)；
- 唔夠訓 (呢個係大部份都市人的毛病)；
- 身體習慣了現有的鍛鍊方式 (肌肉要不停接受新的/不同的刺激才會增長，當肌肉習慣了目前的運動方式，就唔會有大進步)。

你要自己睇返係邊樣問題，再針對改善。


Q3. 還有我每星期有四五次器械練習,每次兩小時.會否密得濟?

ANS: 要視乎你點樣安排每一的鍛鍊，不能一概而論。

不過一般來講，都要按照以下條件編排鍛鍊：
- 每日練一組大肌肉加一至兩組小肌肉；
- 而每練完一組肌肉後，該組肌肉最少休息48小時才可再鍛鍊，不過期間可以練其他肌肉組；
- 無論你點樣編排，只可以連續練兩至三天，就必須要完全休息一天，不作任何劇烈運動。

換句話說，只要你能夠將 schedule 編排到符合以上的條件，一星期練5天是可行的。


Q4. 夜訓是否關鍵?我很夜訓.平均四點先訓.但都會有八小時的睡眠. 雖然夜,但有八小時休息,咁樣ok嗎?

ANS: 4點至訓，無疑係有點影響的。不過只要你每一都係訓到8小時，而且係定時定候入睡/起床的話，還是可以。

不過始終都係早點上睡覺比較好，因為身體的生理時鐘有一定規律，太夜訓都係唔好的。要成為筋肉人，係有代價的。



2008-05-20 15:51:15 補充：
有關調味方面要補充。其實要增肌的話，調味方面都係唔好太過濃烈的味道，例如過鹹太甜。因為會令身體積存水份 (俗稱水腫)，對健身及健康都有影響的。

不過如果你並非要出賽的話，也不需要太講究，只要不過火就可以了。