[20點] 有關滅蚤噴霧（如殺牠死）使用既方法及要注意既地方

這隻牌子滅蚤噴霧我用過，效果唔錯。
我有兩房一廳，每個房放一個，廳放一個，上午依指示用後即去街，四小時後回家，先打開全部窗，從新洗過晒食具，抹桌抹抹抹 ......像平常打掃時一般，用了一次，若一年都無再發現有蚤仔在牆上。
(我想最重要的是你唔好諗住一個滅蚤噴霧可以全屋通用。)

滅蚤大致有種成方法:

1) 滅蚤噴霧
2) 滅蚤蛋

兩種我都用過, 先講滅蚤噴霧, 方便而且直接, 唔使等得太耐, 只要邊度有蚤, 就响邊度噴吓, 例如沿住幅牆腳一路噴, 又或者木櫃邊, 櫃背位置等等, 噴完之後, 隔一陣, 就可能以抺咗去就ｏｋ！另外, 滅蚤蛋方面, 我就試過去街之前放, 等屋企無晒人, 用法好簡單, 放蛋前打開晒要準備滅蚤的地方, 例如衣櫃門，櫥櫃門等等, 最重要閂好窗, 做成密室效果, 焗一焗佢, 只要選擇適當位置, 放個蛋响地下 (小心唔好有易然物品, 因為d煙同個罐身會有d高溫產生) 然後打開蛋蓋, 倒入適量清水, 佢就會慢慢釋放出 滅蚤輕煙, 輕煙會慢慢滲入室窿窿罅罅, 按指示大約4小時後, 抺洗所有可能接觸到煙霧的東西及拖乾淨個地下就ok!

兩種做比較, 價錢方面, 滅蚤蛋(剎他死) 大約要$50元一個, 一個大約有效面積300平方英尺, 一次性, 而滅蚤噴霧(剎他死), 一支大約$45-50元, 可以用好多次, 但就局限咗地方, 視乎您需要, 如果好耐無滅蚤, 可以先用滅蚤蛋, 大約頂到1-2年, 之後再有就重點出擊, 用滅蚤噴霧, 相信效果會好好!

希望幫到你啦!!