請教我養雀~*

佢會唔會已經開始年老，所以眼部毛毛稀疏吧!
其實平時用S形勾掛在窗台，已經可以曬太陽及呼吸新鮮空氣，而且引來麻雀陪佢叫，無咁寂寞。
食物方面，主要食雀粟、乾糧等，不過要看你養的品種是甚麼，有些鳥吃蟲的如：相思鳥，因此最好到旺角的雀仔街，問有賣你養的品種的檔主，咁就一定無錯，而且可以買到你要的物品。我之前都買過些葡萄糖粉給鳥兒定驚用，有點像人吃的(當然與人吃的不同)，不過不知道你的鳥鳥合適否，因此最好問賣鳥的確定一下。
至於唱歌，公或乸也有不同，有些鳥公不愛叫，有些就相反，而且最好養多一隻，但要分開籠養，否則先來的會打遲來的，這樣有伴會叫多些，而且鳥鳥會開心點。
至於保温，平日鳥籠用紙放底，晚上會墊報紙於地上然後再用毛巾蓋在籠頂(要留下面透氣)，至於冬季，因家向北很冷的，因此要開小的暖氣爐，並底及都用較厚的毛巾保暖，不過最好的保暖是曬太陽，因此不論冬夏季都要曬太陽，這樣鳥鳥會健康些。

2008-05-15 01:50:59 補充：
唔係喎!!我姊姊養隻彩鳳公唔喜歡叫，相反我養的幪面情鳥隻隻都係乸，就成日叫引人注意，我看都是主人有否令牠跟人玩否，若牠怕人就唔願叫了!!

2008-05-15 01:57:39 補充：
仲有蔬菜水果那些食物不能給予太多，否則鳥兒會肚瀉，只可作獎勵的小吃，一星期一或兩次就夠了!!

雀仔大至食糧分兩種,一種食粟即是食素,如石燕,第二種食什糧,如雀料、蜢或麥皮蟲,你隻雀應該是食什糧,最好帶張相去問下人,你可去旺角雀仔街,近花墟,買D麥皮蟲同雀料比佢食,不可多每天2-3條,視乎隻雀仔size,隔兩天比D萍果、提子或橙,沖涼佢自己識沖,只要比一個大少少兜,可成隻浸晒,要曬住太陽,不過唔好曬咁耐,最好半小時,一星期沖一、二次,你可在廚房個頂加一條申縮通,家品店有售,可掛雀仔籠,天氣熱就放在陰涼地方就可,天冷要加雀籠布放在冇風吹地方,雌性雀仔係不會唱歌,只有雄性要吸引異性才唱歌