應徵辦公室助理的衣著要點?

見工緊係要整齊啲啦，雖然有些公司唔介意你著便服，但為了尊重起見，最好穿簡便的恤衫及西褲，認真啲可打Tie，不過可以唔使穿西裝外套。
如果佢哋請了你後，返工時應可以穿T-shirt波鞋牛仔褲，因為你的工作要外勤冇理由要穿皮鞋，或者你第一日返工可以唔穿T-shirt係牛仔褲先而選便服，到做多幾日後就知是否可穿T-shirt波鞋件仔褲，其實，你的職位最緊要係勤快，公司唔會太著重你穿什麼，除非你時常穿短褲涼鞋啦，因為有些公司很著重形象唔可以比啲員工穿得太隨便！

2008-05-11 20:22:41 補充：
我想你除了個校章穿校服那件白恤衫都可以，短袖當然得啦，唔打Tie都可以，所謂西褲好似你以前返學穿的褲差唔多就得啦，其實，你只是去見辦公室助理，最緊要衣著整齊，見工時比佢覺得你能認真工作及唔係騎牛搵馬就得啦，我想你都係放暑假或剛畢業的年輕人吧，其實你見工時僱主都會考慮到的啦，唔好咁緊張呀！祝你成功！

2008-05-11 20:25:07 補充：
唔好穿圓領T-shirt，要穿有領的恤衫！

2008-05-11 21:34:49 補充：
其實我得覺得你唔須專登去買的，看看你屋企有冇啲淨色的褲或者買條好似Giordano那些平價的黑色褲（唔好買錯條褲身側邊有成幾個百寶袋嗰啲軍look褲呀），就算見完工後在平時返工或去街都可以著返嗎！

1>見工時最好著西裝、西褲見工，可以唔著西裝褸
2>第時返工時可以問一問公司